৮-৯ নবেম্বৰত লিডুত ৰাষ্ট্ৰীয় সাহিত্য সন্মিলন তিনিচুকীয়া জিলাৰ বিভিন্ন জাতি -জনগোষ্ঠীৰ মিলনভূমি লিডুত ৮-৯ নবেম্বৰত আয়োজিত হ'ব লিডু ৰাষ্ট্ৰীয় সাহিত্য সন্মিলন । ইতিমধ্যে ড° ৰঞ্জিত দত্তক সভাপতি জগত চাংমাইক কাৰ্যকৰী সভাপতি ৰাণাজ্যোতি নেওগক মুখ্য সম্পাদক অৰুণজ্যোতি নিবনুৱা সুখদেব শৰ্মাক যুটীয়া সম্পাদক কৈলাশ গুপ্তাক কোষাধ্যক্ষ হিচাপে লৈ এখন শক্তিশালী উদযাপন সমিতি গঠন কৰা হৈছে । বুধবাৰে লিডু শাখা সাহিত্য সভা ভৱনত উদযাপন সমিতিৰ এখন সৱভা অনুষ্ঠিত হয় ।সভাপতি ড° ৰঞ্জিত দত্তৰ পৌৰহিত্যত কাৰ্যকৰী সভাপতি জগত চাংমাইকে ধৰি আটাইকেজন বিষয়ববীয়াৰ উপস্থিতিত অনুষ্ঠিত সভাৰ উদ্দেশ্যে বাখ্যা কৰে মুখ্য সম্পাদক ৰাণাজ্যোতি নেওগে । সভাত ৰাষ্ট্ৰীয় সাহিত্য সন্মিলন খনৰ আয়োজনৰ সকলো দিশ সামৰি আলোচনা কৰা হয় ।লগতে ৮-৯ নবেম্বৰ চূড়ান্ত কৰা হয় । সভাত সভাপতি ড° ৰঞ্জিত দত্তই ৰাষ্ট্ৰীয় সাহিত্য সন্মিলন উপলক্ষে গল্পকাৰ সন্মিলন, উপন্যাসিক সন্মিলন, কবি সন্মিলন,আবৃত্তিৰ অনুষ্ঠান অনুষ্ঠিত কৰাৰ লগতে আৰু ভাৰতৰ বিভিন্ন প্ৰান্তৰৰ একুৰিৰো অধিক প্ৰসিদ্ধ সাহিত্যিক -কবিয়ে অংশগ্ৰহণ কৰাৰ নিশ্চয়তা প্ৰদান কৰাৰ কথা জানিবলৈ দিয়ে । ইয়াৰোপৰি ৰাজ্যৰ জনপ্ৰিয় তথা বিশিষ্ট সাহিত্যিকে অংশ ল'ব ৰাষ্ট্ৰীয় সাহিত্য সন্মিলন খনত । সভাত মাধৱ দয়াল দত্ত কৈলাশ গুপ্তা দীপক চেতিয়া সুখদেব শৰ্মা বিকাশ বৰুৱা তপন দে উৎপল কোঁৱৰ তপন গগৈ আদি সকলো বিষয়ববীয়া উপস্থিত থাকে ।