পুনৰ জালিয়াতিত নাম সাঙোৰ খালে নৈচা ডিলাৰৰ নৈচা স্কুটী ডিলাৰৰ বিৰুদ্ধে গৰজি উঠিল দল সংগঠন ৷ নৈচা স্কুটী ডিলাৰৰ বাতৰি ভাইৰেল হোৱাৰ পিচত দুজন গ্ৰাহক ক্ৰমে নামু পাইক আৰু এডমন মানকি নামৰ মাৰ্ঘেৰিটা চাহ বাগিচাৰ দুই যুৱক সদলবলে আজি নৈচা ডিলাৰত উপস্থিত হয়। ফাইনেন্সৰ দ্বায়ীত্বত থকা পৰাগজ্যোতি ছেত্ৰী নামৰ যুৱক জনে নৈচা ডিলাৰৰ মেনেজাৰৰ সতে পাহাৰসদৃশ জালিয়াতিৰে সম্পত্তিৰ পাহাৰ গঢ়ি এইপৰ্যন্ত অন্তৰ্ধান হৈ আছে। এই নৈচা ডিলাৰে জালিয়াতিৰে ডুপ্লিকেট কাগজ পত্ৰ তৈয়াৰ কৰি লৈ বেংকৰ সম্পুৰ্ণ কাম ডিলিৰখনত দীৰ্ঘদিনৰ পৰা কৰি আহিছিল। দল সংগঠনে সম্পূৰ্ণ নথি পত্ৰ চালিজাৰি চোৱাত সম্পুৰ্ণ বিষয়টো উলায় পৰে । চাহ বাগিচাত খাটিখোৱা লোকক ঠগ আৰু প্ৰৱঞ্চনাৰ জাল পেলাই ধন ঘটা নৈচা ডিলাৰক বন্ধ কৰাৰ দাবী তুলিছে দল সংগঠনে। মাৰ্ঘেৰিটা চাহ বাগিচাৰ এডমিন মানকি নামৰ যুৱক জনে নিজৰ স্কুটীৰ সকলো ধন আদায় দিয়াৰ পিচতো বেংকে ধন পৰিশোধ কৰিবলৈ হেঁচা প্ৰয়োগ কৰা বিষয়টোত সচেতন মহলৰ চকু কপালত উঠিছে। এতিয়া দল সংগঠনে নৈচা ডিলাৰৰ মালিক আৰু মেনেজাৰ জনক জগৰীয়া কৰিছে। ৰাইজ ,দল সংগঠন ,আৰু ভুক্তভোগী পৰিয়ালৰ দাবী এই নৈচা ডিলাৰত শীঘ্ৰেই তলা লগাই ভুক্তভোগীক ন্যায় প্ৰদান কৰিবলৈ মাৰ্ঘেৰিটা জিলা প্ৰশাসনক দাবী জনায় ৷