সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

জাগুনৰ  টিংকুপথাৰ গাওঁৰ প্ৰাই ৫০ ঘৰ ভূমি আৰু গৃহহীন শ্ৰমিকে দেওবাৰে চৰকাৰী হা সুবিধা বিচাৰি এখন সভাত প্ৰতিবাদ সাব্যস্ত কৰে ।

জাগুন

ৰিপ'ৰ্ট ২০ আগষ্ট:
তিনিচুকীয়া জিলাৰ মাৰ্ঘেৰিটা বিধানসভা সমষ্টিৰ অন্তৰ্গত জাগুনৰ ৯ মাইল টিংকুপথাৰ গাওঁৰ প্ৰাই ৫০ ঘৰ ভূমি আৰু গৃহহীন আদিবাসী শ্ৰমিকে দেওবাৰে চৰকাৰী হা সুবিধা বিচাৰি প্ৰতিবাদ সাব্যস্ত কৰে । সদৌ অসম আদিবাসী ছাত্ৰ সন্থা আৰু মাৰ্ঘেৰিটা মহকুমা সমিতি লগতে টিৰাপ জাগুন শাষা সমিতিৰ দ্বাৰা হোৱা এখনি প্ৰতিবাদী সভাত আদিবাসী শ্ৰমিক সকলে চৰকাৰৰ বিৰুদ্ধে প্ৰয়োজনীয় চৰকাৰী আঁচনি আৰু মাটি বিচাৰি প্ৰতিবাদ কৰে । উল্লেখ্য যে আজি প্ৰায় ৪০ বছৰে টিৰাপ মৌজাৰ অন্যান্য অঞ্চলৰ উপৰিও জাগুনৰ ৯ মাইল টিংকুপথাৰত গাওঁত অৱস্থিত প্ৰায় ৫০ ঘৰ শ্ৰমিকে বিভিন্ন ব্যক্তিগত ব্যক্তিৰ চাহ বাগিচাত দিন মজুৰি কৰি পেট প্ৰবৰ্তন কৰি আহিছে । কিন্তু বাৰম্বাৰ এই শ্ৰমিক সকলে চৰকাৰক প্ৰয়োজনীয় হা সুবিধা আৰু থাকিবলৈ মাটি বিচাৰি আবেদন নিবেদন কৰি আহিছে যদিও চৰকাৰে মিছা প্ৰতিশ্ৰুতি দি তেওঁলোকক বঞ্চিত কৰি অহাত আজি শ্ৰমিক সকলে প্ৰতিবাদ কৰিবলৈ আগবাঢ়ি আহে আৰু চৰকাৰক দাবী জনাই সদৈা অসম আদিবাসী ছাত্র সন্তাই যে তেওঁলোকৰ দিন সাজিৰা ৩৫০ টকা কৰিবই লাগিব বুলি জানিব দিয়ে ।