সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

অ চি ভাস্কৰ কলিতাৰ মৃত্যুৰ তদন্তৰ প্ৰতিবেদন দাখিল

উন্নত মানদণ্ডৰ আছিল বুলেটপ্ৰুফ জেকেট

News24ne Report:-তিনিচুকীয়া ২৩আগষ্টঃ-- 

নিম্ন মানদণ্ডৰ বুলেটপ্ৰুফ জেকেটৰ বাবে নহয়, বৰঞ্চ সঠিকভাৱে জেকেট পৰিধান নকৰাৰ বাবেহে আলফাৰ গুলীত মৃত্যুক সাৱতিব লগা হ'ল আৰক্ষী বিষয়া ভাস্কৰ কলিতাই । তিনিচুকীয়া জিলাৰ বৰডুমচা আৰক্ষী চকীৰ ভাৰপ্ৰাপ্ত আৰক্ষী বিষয়া ভাস্কৰ কলিতাৰ মৃত্যুৰ সন্দৰ্ভত এই প্ৰতিবেদন দাখিল এজনীয়া বিচাৰ সমিতিৰ। অতিৰিক্ত মুখ্য সচিব কুমাৰ সঞ্জয় কৃষ্ণৰ এজনীয়া তদন্ত সমিতিৰ প্ৰতিবেদনত স্পষ্ট ভাৱে উল্লেখ যে, ২০১২-১৩ চনত অসম আৰক্ষীক যোগান ধৰা বুলেট প্ৰুফ জেকেটৰ মানদণ্ডৰ ক্ষেত্ৰত সন্দেহ কৰিব লগা কোনো কাৰণ নাই। ৰাজ্যৰ বিভি্ন্ন আৰক্ষী থানাৰ পৰা 'টাটা এডভান্স মেটেৰিয়েলছ' নামত প্ৰতিষ্টানটোৱে যোগান ধৰা বুলেট প্ৰুফ জেকেটৰ নমুনা সংগ্ৰহ কৰি পৰীক্ষা কৰিছিল তদন্ত সমিতিয়ে। বুলেটপ্ৰুফ জেকেটৰ গুণগত মানদণ্ড পৰীক্ষাৰ ক্ষেত্ৰত ফায়াৰিং আৰু বেলেষ্টিক টেষ্ট কৰাৰ কথা উল্লেখ কৰা হৈছে প্ৰতিবেদনত। কেৱল ইমানেই নহয়, জেকেটৰ গুণগত মানদণ্ড পৰীক্ষাৰ বাবে নমুনা প্ৰেৰণ কৰা হৈছিল চণ্ডিগড়স্থিত কেন্দ্ৰীয় ফৰেন্সিক বিজ্ঞানাগৰলৈও।  

তদন্তকাৰী বিষয়াগৰাকীয়ে প্ৰতিবেদনত এইবুলিও উল্লেখ কৰিছে যে, ১০ মিটাৰ দূৰত্বৰ পৰা অহা বুলেট প্ৰতিহত কৰিব পৰা ক্ষমতা আছে জেকেটটোৰ। কিন্তু ভাস্কৰ কলিতাৰ ক্ষেত্ৰত শূণ্য দূৰত্বৰ পৰা গুলীবৰ্ষণ হোৱাৰ বাবেই মৃত্যু হোৱাৰ আশংকাৰ কথাও উল্লেখ কৰা হৈছে প্ৰতিবেদনত। ভাস্কৰ কলিতাৰ মৃত্যুৰ পাছৰে পৰা বুলেটপ্ৰুফ জেকেট বিহংগতি থকাৰ অভিযোগ উত্থাপন হৈ আহিছে। এই প্ৰতিবেদনৰ পাছত ভাস্কৰ কলিতাৰ পত্নী তথা অন্যান্য দল সংগঠনে কেনে ধৰনৰ প্ৰতিক্ৰিয়া প্ৰকাশ কৰে সেইয়া লক্ষনিয় হ'ব।