সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

কেৰেলাৰ পাছতে অসমতো হ'ব পাৰে মহাপলয়।
 চীনৰ পৰা চাংপোৰে নামিছে বৃহৎ ধল 
অসম- অৰুণাচল প্ৰদেশলৈ ভাবুকি, ধেমাজিত প্ৰশাসনৰ বৈঠক

কেৰেলাৰ পাছতে অসমতো হ'ব পাৰে মহাপলয়।
 চীনৰ পৰা চাংপোৰে নামিছে বৃহৎ ধল 
অসম- অৰুণাচল প্ৰদেশলৈ ভাবুকি, ধেমাজিত প্ৰশাসনৰ বৈঠক
৩০আগষ্টঃ- কেৰেলাৰ পাছতে অসমতো হ'ব পাৰে মহাপলয়। প্ৰচণ্ড ভাবুকি কঢ়িয়াই চাংপোৰ পানীয়ে অসম তথা অৰুণাচলৰ বৃহৎ অঞ্চলত বানপানীৰ সৃষ্টি হোৱাৰ সম্ভৱনাই দেখা দিছে। বেইজিঙৰ এক বাৰ্তাক লৈ এতিয়া হাহাকাৰ লাগিছে অসম আৰু অৰুণাচল প্ৰদেশত । কাৰণ ৫০ বছৰৰ পিচত চাংপোত ভয়াৱহ ধল নামিছে । প্ৰতি ছেকেণ্ডত চাংপোৰে বৈছে ৯,০২০ ঘন মিটাৰ পানীৰ ধল । কেন্দ্ৰীয় জল সম্পদ মন্ত্ৰালয়ে চীন চৰকাৰৰ পৰা এই সন্দৰ্ভত আনুষ্ঠানিক তথ্য পোৱাৰ পাচতে অৰুণাচল  আৰু অসম চৰকাৰলৈ  জৰুৰী বাৰ্তা প্ৰেৰণ কৰিছে । অৰুণাচল প্ৰদেশৰ পূব চিয়াং জিলাৰ উপায়ুক্তই চিয়াং নদীৰ পাৰৰ ৰাইজক সতৰ্ক হৈ থাকিবলৈ আহ্বান জনোৱাৰ সময়তে বৃহস্পতিবাৰে ধেমাজিত জিলা উপায়ুক্তৰ সভাকক্ষতো এখন জৰুৰী বৈঠকৰ আহ্বান কৰা হয় । কাৰণ যিকোনো মুহূৰ্তত পানীৰ ধল ব'ব পাৰে চিয়াং তথা মহাবাহু ব্ৰহ্মপুত্ৰইদি । পুৱা ১১ বজালৈ পোৱা তথ্য অনুসৰি অৰুণাচলৰ মিয়াও ,পাচিঘাটৰ লগতে অসমৰ ডিব্ৰুগড় , মাৰ্ঘেৰিটা , খোৱাং ইত্যাদি অঞ্চলত বিপদসীমাৰ প্ৰায় সমান্তৰালকৈ বৈছে চিয়াং তথা ব্ৰহ্মপুত্ৰৰ পানী । উদ্বেগজনক কথাটো হ'ল যে এই জলস্তৰ ক্ৰমাত উৰ্দ্ধগামী হৈ আছে ।  চীন প্ৰশাসনে নতুন দিল্লীক জনোৱা অনুসৰি প্ৰৱল বৃষ্টিপাতৰ ফলত চাংপোৰ জলস্তৰ ভয়াৱহ হাৰত বৃদ্ধি পাইছে । যদি সেয়াই হয় অসম আৰু অৰুণাচল প্ৰদেশৰ বাবে ই এক প্ৰচণ্ড ভাবুকি । বিষয়টো সন্দৰ্ভত ৰাজ্যৰ জল সম্পদ বিভাগেও ৰাখিছে তীক্ষ্ন দৃষ্টি । উল্লেখ্য যে , কিছুদিন পূৰ্বে চিয়াংত উঠা  সাগৰ সদৃশ অস্বাভাৱিক ঢৌৰ কাৰণো যে চীনত হোৱা প্ৰৱল বৃষ্টিপাত সেয়াও এতিয়া স্পষ্ট হৈছে ।