সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

লেখাপানীত লাক্ষাধিক মূল্যৰ মূল্যৱান চোৰাং কাঠ জব্দ

,২৫আগষ্টঃ--তিনিচুকীয়া জিলাৰ ডিগবৈ বন সংমণ্ডলৰ অধীনৰ লেখাপানীত আঞ্চলিক বন বিষয়াৰ কাৰ্যালয়ত অন্তৰ্গত লেখাপানী টিৰাপ আৰু টিপং সংৰক্ষিত বনাঞ্চলৰ চোৰাং কাঠ মাফিয়াই অবাধ বব ধ্বংস অভিযান অব্যাহত ৰখাৰ সময়তে আজি লেখাপানী আঞ্চলিক বনবিষয়া কাৰ্যালয়ৰ বনবিভাগৰ দলে গোপন সূত্ৰৰ  পম খেদি অভিযান চলাই বৃহৎ পৰিমাণৰ চোৰাং কাঠ জব্দ কৰে। বন বিভাগৰ দলটোৱে টিৰাপ নৈৰ ফুলবাৰী ঘাটিৰ সমীপত চোৰাং কাঠ মাফিয়াই লুকুৱাই ৰখা ২০০ চি এফ টিৰো অধিক হাতে ফলা চাম কাঠ জব্দ কৰে। ইপিনে চোৰাং কাঠখিনি বোজাই কৰিবলৈ নিয়া গাড়ীসহ চোৰাং কাঠ মাফিয়াই বন বিভাগৰে অভিযানৰ বিষয়ে অৱগত হৈ পলাই যাবলৈ সক্ষম হয়। জব্দ কৰা চোৰাং কাঠখিনিৰ মূল্য ডেৰ লক্ষাধিক টকা হব বুলি বন বিভাগৰ সূত্ৰত প্ৰকাশ