সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

কাকপথাৰৰ ডিৰাক গেট সীমান্তত চাৰিজনকৈ সন্দেহজনক নাগৰিকক আটক : যুৱ ছাত্ৰৰ তৎপৰতা

কাকপথাৰ,, অসম অৰুণাচল সীমান্তৰ ডিৰাক গেটত চাৰিজনকৈ সন্দেহজনক নাগৰিকক আটক কৰা হৈছে ৷ অসম জাতীয়াতাবাদী যুৱ ছাত্ৰ পৰিষদ কাকপথাৰ আঞ্চলিক সমিতিৰ কৰ্মকতাই গেটত সন্দেহজনকভাবে ঘুৰি ফোৰা যুৱক কেইজনক ধৰি সোধাপোছা কৰাত তেওলোকৰ নঠি পত্ৰ পৰীক্ষা কৰাত জোলোঙাৰ মেকুৰী উলাই পৰে ৷ কৰিমগঞ্জ জিলাৰ পৰা অহা ব্যক্তিকেইগৰাকী কামৰ বাবে অৰুণাচল প্ৰদেশলৈ আহিছিল বুলি জানিবলৈ দিয়ে ৷ মুঠ ছয় গৰাকী পুৰুষ মহিলা ভিতৰত দুগৰাকী অৰুণাচল প্ৰদেশত প্ৰবেশ কৰিবলৈ সক্ষম হয় যদিও চাৰিগৰাকী আটক হোৱা ঘটনাই অঞ্চল বিলাকত যে অবৈধ নাগৰিকৰ প্ৰবেশ ঘটিছে তাকে প্ৰমাণ কৰিছে ৷ উল্লেখ্য যে অৰুণাচল প্ৰদেশত প্ৰবেশৰ বাবে সাধাৰণ লোকৰ প্ৰবেশ মুল্য পঞ্চাছ টকা হয় যদিও এনে ধৰণৰ অবৈধ নাগৰিকে মাত্ৰ দহ টকা দিয়েই প্ৰবেশ কৰে বুলি জানিব পৰা গৈছে ৷ যুৱ ছাত্ৰ পৰিষদে আটক কৰা সন্দেহজনক ব্যক্তি গৰাকী বৰ্তমান বৰডুমচা আৰক্ষী থানাত সোধাপোছা কৰি আছে বুলি জানিবলৈ দিছে ৷ ইয়াৰ আগতেও উক্ত সীমান্ত তালাচী চকীখনত অবৈধ নাগৰিকক আটক কৰি আৰক্ষী থানাত চমজাই দিয়াৰ নজিৰ আছে ৷ কিন্টু শেষত সেইসকল নাগৰিকক কত লৈ যোৱা হয় সেইয়া হে  জনা নাযায় বুলি  মন্তব্য কৰে যুৱ ছাত্ৰৰ কৰ্মকতাই ৷