সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

    দুলীয়াজানত টিংৰাই উপ শাখা চাহ জনজাতি ছাত্ৰ সন্থাৰ ষষ্ঠ বাৰ্ষিক কৰম সন্মিলন ।
    দুলীয়াজানৰ টিংৰাই চাৰিআলিৰ তিৱাৰী গোলাত সদৌ অসম চাহ জনজাতি ছাত্ৰ সন্থাৰ টিংৰাই উপ শাখাৰ উদ্যোগত আৰু স্থানীয় ৰাইজৰ সহযোগত যোৱা ২৮ আৰু ২৯ তাৰিখ  দুদিনীয়াকৈ  ষষ্ঠ বাৰ্ষিক কৰম সন্মিলন অনুষ্ঠিত হৈ জাই ।  এই সন্মিলনৰ লগত সংগতি ৰাখি জনগোষ্ঠীতোৰ মাজত প্ৰচলিত বিভিন্ন গীত মাত আলোচনা চক্ৰ অনুষ্ঠিত হোৱাৰ উপৰিও  চাহ জনগোষ্ঠীৰ লোক সকলৰ মাজত অতিকৈ আদৰৰ জুমুৰ   দল সমূহৰ মাজত জুমুৰ প্ৰতিযোগিতা অনুষ্ঠিতও কৰা হয় ।