সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

 অৰুণাচলৰ বৰডুমচাত ভয়ঙ্কৰ অগ্নিকাণ্ড। প্ৰায় পাঁচখনকৈ দোকান অগ্নিত ভষ্মিভুত । কেইবা লক্ষাধিক টকাৰ সা-সামগ্ৰী জ্বলি ছাই হয়। এখন চাহৰ হোটেলৰ পৰা অগ্নিকাণ্ডৰ সূত্ৰপাত হোৱাৰ আকাংক্ষা। সেনা আৰু অৰ্ধ সামৰিক বাহিনীৰ জোৱানৰ তত্পৰতাত অগ্নি নিৰ্বাপন।
 অৰুনাচল প্ৰদেশ চাংলাং জিলাৰ বৰডুমচা আৰক্ষী থানাৰ অন্তৰ্গত বৰডুমচা বজাৰত আজি কাহিলি পুৱাতে এক ভয়ঙ্কৰ অগ্নিকাণ্ডৰ সূত্ৰপাত হয়। এই অগ্নিকাণ্ডত পাঁচখনকৈ দোকান ভষ্মিভুত হোৱাৰ বিপৰীতে কেইবা লক্ষাধিক টকাৰ সা-সামগ্ৰী জ্বলি ছাই হয় যায়। জানিব পৰা মতে এখন চাহৰ হোটেলৰ পৰা এই অগ্নিকাণ্ডৰ সূত্ৰপাত হয়। জুইৰ শিখা দেখা পায় বৰডুমচাস্থিত ২৩নং পাঞ্জাৱ ৰেজিমেণ্ট আৰু অৰ্ধ সামৰিক বাহিনীৰ জোৱানে ততালিকে ঘটনা‌স্থলিত উপস্থিত হৈ স্থানীয় ৰাইজৰ সহযোগত জুই নোমোৱাবলৈ সক্ষম হয়।