সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

 জৰাৰ্জীণ বাট পথ - যুৱ ছাত্ৰৰ ধৰ্ণা 
     পৰিবৰ্তনৰ শ্ল'গানেৰে শাসনৰ গাদীত আৰোহণ কৰা বিজেপি নেতৃত্বাধীন চৰকাৰৰ শাসনকাল দুবছৰো অধিক হল যদিও আজিওঁ পৰিবৰ্তন নহল বাট পথৰ । মাৰ্ঘেৰিটা বিধান সভা সমষ্টিৰ বিভিন্ন জৰাৰ্জীৰ্ণ বাট পথৰ দাবীত আজি যুৱ ছাত্ৰ পৰিষদে ভুক্তভোগী ৰাইজৰ সহযোগত ধৰ্ণা কাৰ্যসূচীৰে উত্তাল কৰে মাৰ্ঘেৰিটা মহকুমাধিপতি কাৰ্যালয় ।
   অসম চৰকাৰ হায় হায়  স্থানীয় বিধায়ক ভাস্কৰ শৰ্মা মুৰ্দাবাদ শ্লগানেৰে মুখৰিত হল আজি মাৰ্ঘেৰিটাৰ মহকুমাধিপতিৰ কাৰ্যালয় । অসম জাতীয়তাবাদী যুৱ ছাত্ৰ পৰিষদৰ উদ্যোগত  পালিত হয় এই প্ৰতিবাদী কাৰ্যসূচী । মাৰ্ঘেৰিটা বিধান সভা  সমষ্টিৰ বিভিন্ন পন্ঞ্চায়তৰ লগতে বিশেষকৈ ইনথেম গাওঁ পন্ঞ্চায়তৰ জৰাৰ্জীণ বাট পথ সমূহ নিৰ্মাণৰ দাবীত এই ধৰ্ণা কাৰ্যসূচী ।