সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

জুৰীয়াত ড্ৰাগছৰ বিৰুদ্ধে ছাত্ৰৰ অভিযান ৷ নিতা জাতীয় দ্ৰব্যসহ আটক এজন ৷
      জুৰীয়াত বৃহস্পতিবাৰে চলিল ড্ৰাগছৰ বিৰুদ্ধে অভিযান ৷ পিছে এই অভিযান আৰক্ষীৰ নহয় অভিযান চলালে ছাত্ৰই ৷ দীৰ্ঘ দিন ধৰি জুৰীয়া কলেজৰ পাৰ্শ্ববৰ্তী তেলিয়া পথাৰত নিচা জাতীয় দ্ৰব্য বিক্ৰী কৰি অঞ্চলটোৰ যুৱক তথা ছাত্ৰক ধ্বংসৰ  মুখলৈ ঠেলি দিয়া আলী হুছেইনৰ গৃহত  প্ৰায় 50 জনীয়া জুৰীয়া কলেজৰ ছাত্ৰৰ দল এটাই চলালে এই অভিয়ান ৷ ছাত্ৰৰ দলটোৱে নিচা জাতীয় দ্ৰব্য সহ আলী হুছেইনক আটক কৰি গতাই দিয়ে জুৰীয়া আৰক্ষীক ৷ জুৰীয়া কলেজৰ লগতে বটদ্ৰৱা কলেজৰ বহুকেইজন ছাত্ৰ ড্ৰাগছ ব্যৱসায়ী  আলী হুছেইনৰ   নিয়মিয়া গ্ৰাহক বুলি অভিযোগ অভিযানকাৰী ছাত্ৰ দলৰ ৷