সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

নগাওঁ বন বিভাগৰ অবৈধ কাঠফলা মিলত অভিযান
৭ টাকৈ অবৈধ মিল জব্দ

নিউজ২৪এনই ৯ ছেপ্তেম্বৰ নগাওঁ বন বিভাগৰ এটা বৃহৎ দলে অাজি নগাঁৱৰ বিভিন্ন স্থান বঢ়মপুৰ, চলচলি, চালনা, পানীখাইটি, চামগুৰি, অামবাগান অাৰু কাঠপাৰা অাদিত অবৈধ কাঠফলা মিলত অভিযান চলায়।
  অভিযানৰ সময়ত অবৈধভাবে চলাই থকা ৭ টা কাঠমিল বন্ধ কৰি দিয়াৰ লগতে মেচিনসমূহ  জব্দ কৰি বন বিভাগৰ মুখ্য কাৰ্যালয়লৈ লৈ যায়। নগাওঁ সদৰ ৰেঞ্জাৰ নেপাল মণ্ডল অাৰু চালনা ৰেঞ্জাৰ চেলিম অাজমেদৰ নেতৃত্বত চলিছিল অভিযান।
মিল সমূহ  জব্দ কৰে যদিও অবৈধ মিলৰ এজনো গৰাকীক বনবিভাগে আটক কৰিব নোৱাৰিলে।

 ইয়াকে লৈ  সাধাৰণ ৰাইজৰ মাজত সন্দেহৰ সৃষ্টি হৈছে।