সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

শদিয়া সমষ্টিৰ হাঁহখাটী গাওঁত বিজেপিৰ বিনামুলীয়া স্বাস্থ্য পৰিক্ষাৰ অায়োজন।

কাকপথাৰ ২২ ছেপ্তেম্বৰ:ভাৰতীয় জনতা যুৱ মৰ্চা অাৰু মহিলা মৰ্চাৰ উদ্যোগত তথা কৃষাণ মৰ্চা,অ,বি,চি মৰ্চা,মাইনৰিটি মৰ্চা ,অনুসুচিত জাতি মৰ্চা অাৰু অনুসুচিত জনজাতি মৰ্চাৰ সহযোগত অাজি পুৱাৰে পৰা "কাৰ্য অঞ্জলি উপলক্ষে গৰ্ভৱতী মহিলা অাৰু কণ কণ ল'ৰা ছোৱালীৰ বাবে হাঁহখাটী গাওঁত বিনামূলীয়া স্বাস্থ্য পৰিক্ষা শিবিৰৰ অায়োজন কৰে।হাঁহখাটী গাওঁৰ পঞ্চায়ত কমিউনিটি হলত অায়োজন কৰা স্বাস্থ্য শিবিৰত বিভিন্ন প্ৰান্তৰ পৰা অহা প্ৰায় পাচ শতাধিক ৰোগীক চিকিৎসা সেৱা অাগবঢ়াই।তিনিচুকীয়া জিলাখনৰ স্বাস্থ্য বিভাগৰ পৰা প্ৰেৰিত স্ত্ৰীৰোগ বিশেষজ্ঞ,শিশু বিশেষজ্ঞ অাৰু মেডিচিন বিভাগৰ পাচজন  চিকিৎসকে এই শিবিৰত চিকিৎসা প্ৰদান কৰে।চিকিৎসক অভিজিৎ চেতিয়া,সুমন ৰায়,গৌতমী ধৰ,প্ৰকাশ গুপ্তা অাৰু হেম্ লয়া দহোতীয়াই ৰোগীসকলক চিকিৎসা প্ৰদান কৰাৰ উপৰিওঁ ভাৰতীয় জনতা যুৱ মৰ্চাৰ শদিয়া জিলাৰ সভাপতি -সম্পাদক তীৰ্থৰাজ নেওঁগ অাৰু মিন্টু সোণোৱালে শিবিৰ পৰিচালনাত সহযোগিতা অাগবঢ়ায়।উল্লেখ্য যে শদিয়া সমষ্টিৰ অন্তৰ্গত ২৫খন পঞ্চায়তে এনেধৰণৰ চিকিৎসা শিবিৰৰ অায়োজন কৰিব বুলি উদ্যোক্তা মণ্ডলীয়ে   সাংবাদিকক জানিবলৈ দিয়ে।