সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

      নগাঁৱত "ভিলেজ ৰকষ্টাৰ্ছ"ত দৰ্শকৰ আশাপ্ৰদ সঁহাৰি ।

অন্যান্য প্ৰান্তৰ লগতে নগাঁৱতো শুকুৰবাৰে মুক্তিলাভ কৰে ৰীমা দাসৰ বহুচৰ্চিত ছবি *ভিলেজ ৰকষ্টাৰ্ছ*-এ । ৰাষ্ট্ৰীয় আৰু আন্তৰাষ্ট্ৰীয় প্ৰেক্ষাপটত বহুলভাৱে চৰ্চিত ছবিখন চাবলৈ নগাঁৱৰ "অদিতি" চিত্ৰগৃহত ভিৰ কৰে অসংখ্য চিত্ৰ অনুৰাগীয়ে । মুক্তিৰ প্ৰথমটো দৰ্শনীতে হাউচফুল হৈ পৰে "অদিতি" চিত্ৰগৃহ । দেশৰ বহু কেইখন ব্যয়বহুল ছবি তথা মূধাফুটা চিত্ৰ নিৰ্মাতাক চেৰ পেলাই অস্কাৰৰ দৌৰত ভাৰতক প্ৰতিনিধিত্ব কৰিবলৈ আগবঢ়া ৰীমা দাসৰ *ভিলেজ ৰকষ্টাৰ্ছ*-এ অসমীয়া চলচিত্ৰৰ ক্ষেত্ৰখনক এক নতুন গতি দিবলৈ সক্ষম হৈছে বুলি দৰ্শক সকলে মন্তব্য কৰাৰ লগতে ৰীমা দাসৰ সপোন বাস্তৱায়িত হ'ব বুলি আশা প্ৰকাশ কৰিছে ।