সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

কাকপথাৰৰ ছেঙেলী গাওঁ বৰনামঘৰত ভাদমহীয়া নাম কীৰ্তনৰ সামৰণী

কাকপথাৰ ২৩ ছেপ্তেম্বৰ:বৈষ্ণৱ ধৰ্মৰ প্ৰচাৰ প্ৰসাৰ কৰা জগতৰ গুৰু শ্ৰীমন্ত শংকৰদেৱ অাৰু প্ৰিয় শিষ্য মাধৱদেৱৰ গুণ গৰিমাক ভকত বৈষ্ণৱৰ মাজত সজীৱ কৰাৰ লগতে তেখেতসকলৰ অাদৰ্শেৰে অনুপ্ৰাণিত হোৱাৰ মহান উদ্দেশ্যেৰে প্ৰত্যেক বছৰে অসমীয়াৰ ভাদ মাহটোতে নামঘৰে নামঘৰে হৰিনামৰ ধ্বনিৰে মুখৰিত হৈ উঠে।সমগ্ৰ ৰাজ্যজুৰি ভাদ মাহৰ শেষত সমুহীয়াভাৱে নাম উঠোৱা পৰ্বটি কালি তিনিচুকীয়া জিলাখনৰ কাকপথাৰৰ ছেঙেলীজান বৰনামঘৰতো উলহ মালহেৰে অায়োজন কৰে।গাওঁখনৰ ভকত- বৈষ্ণৱ,অায়টী,ডেকা-গাভৰুৰ লগতে বৃহত্তৰ কাকপথাৰ অঞ্চলটোৰ কেইবাখনো গাওঁৰ ভকতবৃন্দই নামঘৰৰ চৌপাশ হৰিনামেৰে মুখৰিত কৰি তোলে।খোল,তাল,মৃদং অাদি ভিন্ন বাদ্যযন্ত্ৰেৰে সমধুৰ কৰি তোলা হৰিনামৰ ভক্তিৰসত পুৱতি নিশালৈকে ভকত- বৈষ্ণৱে বিলীন হৈ পৰে।