সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

আৰক্ষী বিষয়া ভাস্কৰ কলিতাৰ হত্যাৰে জড়িত দুই আলফাৰ লিংকমেন আটক 

তিনিচুকীয়া জিলাৰ পেঙেৰী বৰডুমচাত আলফা(স্বা)ৰ দুধৰ্ষ দুই লিংকমেন আজি আৰক্ষীয়ে আটক কৰে৷ আৰক্ষীৰ চাৰিদিনীয়া অভিযানৰ অন্তত আটক দুধৰ্ষ লিংকমেন দিপাংকৰ বৰা আৰু মামন দিহিঙীয়া৷ সাহসী আৰক্ষী বিষয়া ভাস্কৰ কলিতাৰ হত্যাত জড়িত আছিল দুয়ো বুলি আৰক্ষীয়ে সন্দেহ কৰিয়ে এই অভিযান চলাইছিল৷ তিনিচুকীয়াৰ কুজুপথাৰত আলফা(স্বা)ৰে হোৱা সংঘৰ্ষত নিহত হৈছিল বৰডুমছা থানাৰ অ’চি ভাস্কৰ কলিতা৷ ধৃত দিপাংকৰ বৰা আৰু মামন দিহিঙীয়া আলফা স্বাধীনৰ দুধৰ্ষ কেডাৰ জান অসম ওৰফে ৰুদে বৰুৱাৰ ঘনিষ্ঠ বুলি আৰক্ষীৰ সূত্ৰত প্ৰকাশ৷ অ’চি ভাস্কৰ কলিতাৰ হত্যাৰ পৰিকল্পনাত জড়িত দুয়ো আছিল৷ আটকাধীন লিংকমেন দুজনৰ পৰা দুটা ম’বাইল ফোন জব্দ কৰি সকলো তথ্য ফাদিল কৰে আৰক্ষীয়ে৷ ধৃত আলফাৰ স্বাধীনৰ লিংকমেন দুজনক মাৰাথন জেৰা অব্যাহত ৰাখিছে তিনিচুকীয়া আৰক্ষীয়ে৷ চাৰিদিনীয়া এই অভিযানৰ নেতৃত্ব দিছিল অতিৰিক্ত আৰক্ষী অধীক্ষক প্ৰকাশ সোণোৱাল, উপ-আৰক্ষী অধীক্ষক ভাৰ্গৱ গোস্বামী, চক্ৰ আৰক্ষী বিষয়া প্ৰতিম গগৈয়ে৷