সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

দুলীয়াজানত নৱম শ্ৰেণীৰ ছাত্ৰী নিৰুদ্ধেশ 

দুলীয়াজানত নৱম শ্ৰেণীৰ ছাত্ৰী নিৰুদ্ধেশ ।
        তৈল নগৰী  দুলীয়াজানত যোৱা ১৭ ছেপ্টেম্বৰৰ  পৰা এগৰাকী নৱম শ্ৰেণীৰ ছাত্ৰী নিৰুদ্ধেশ হৈ থকা ঘটনা শেহতীয়াকৈ পোহৰলৈ আহিছে । জানিব পৰা মতে দুলীয়াজানৰ গাতে লাগি থকা  দুলীয়াগাঁৱৰ মৃত পৰিমল বৰায়কৰ কন্যা চোনচোন বৰায়ক(১৬) দুলীয়াজান আদৰ্শ বিদ্যালয়ৰ ছাত্ৰী গৰাকী যোৱা ১৭ ছেপ্টেম্বৰ  বিশ্বকৰ্মা পূজাৰ  নিশা প্ৰায় ১২ মান বজাৰ পৰা নিৰুদ্ধেশ হৈ থকা ঘটনাই এক ৰহস্যৰ সৃষ্টি কৰিছে ।পৰিয়ালৰ লোকে জানিবলৈ দিয়া মতে ছাত্ৰী গৰাকীৰ বন্ধু ,বান্ধৱী,লগতে পৰিয়ালৰ লোকৰ ঘৰত বিচাৰ কোচাৰ কৰি কোনো শুং সূত্ৰ নোপোৱাত দুলীয়াজান আৰক্ষী থানাত আজি এখন এজাহাৰ দাখিল কৰিছে ।