সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

 কংগ্ৰেছ দলৰ হাতত টকা নাই - প্ৰদ্যুত বৰদলৈ
date 26.09.2018

       কংগ্ৰেছ দলৰ হাতত টকা নাই । বিজেপিৰ হাতত বহু টকা । স্থানীয় বিধায়ক ভাস্কৰ শৰ্ম্মাৰ হাতত কোটি কোটি টকা ।  এই মন্তব্য প্ৰাক্তন মন্ত্ৰী প্ৰদ্যুত বৰদলৈৰ । ভাৰতীয় জাতীয় কংগ্ৰেছ দলৰ ৰাষ্ট্ৰীয় সম্পাদক ৰূপে নিযুক্ত হোৱাৰ পাছত পোন প্ৰথমবাৰৰ বাবে মাৰ্ঘেৰিটাত উপস্থিত হোৱা  বৰদলৈয়ে এখন দলীয়  সম্বর্ধনা অনুষ্ঠানত অংশ গ্ৰহণ কৰি এই মন্তব্য কৰে ।

       কংগ্ৰেছ দলৰ হাতত সভা পাতিবলৈ নিৰ্বাচনত ব্যয় কৰিবলৈ পৰ্যাপ্ত ধন নাই - এই স্বীকাৰোক্তি  প্ৰাক্তন মন্ত্ৰী প্ৰদ্যুত বৰদলৈৰ । আজি মাৰ্ঘেৰিটাৰ ৰাজীৱ ভৱনত অনুষ্ঠিত এখনি দলীয় সম্বর্ধনা সভাত অংশগ্ৰহণ কৰি দলৰ নৱ নিযুক্ত ৰাষ্ট্ৰীয় সম্পাদক বৰদলৈয়ে বিজেপি দলে ব্যাপক হাৰত ধন আহৰণ কৰা বুলি কয় । তেওঁ স্থানীয় বিধায়ক ভাস্কৰ শৰ্মাই কোটি কোটি টকা আহৰণ কৰা বুলিওঁ ব্যক্ত কৰে । তেওঁ এই সময় দলৰ বাবে অতি প্ৰত্যাহ্বানৰ সময় বুলি উল্লেখ কৰি ৰাইজেই একমাত্র ভৰাষা বুলি কয় ।
      অন্যহাতে দলৰ ৰাষ্ট্ৰীয় সম্পাদক ৰূপে নিযুক্ত হোৱাৰ পাছত পোন প্ৰথম বাৰৰ বাবে মাৰ্ঘেৰিটাত উপস্থিত হোৱা বৰদলৈক দলীয় নেতা কৰ্মীয়ে ব্যাপক ভাৱে সম্বর্ধনা জনায় ।