সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

SLUG: GOALPARA FOOD POISONING.

গোৱালপাৰাত খাদ্যত বিষক্ৰিয়া হৈ অসুস্থ হ'ল 20 জনকৈ ছাত্ৰ । থলুৱা মাছৰ নামত চালানী খুওৱাৰ ফলতে ব্ৰহ্মপুত্ৰ একাডেমী নামৰ ব্যক্তিগত শিক্ষা প্ৰতিষ্ঠানটোৰ ছাত্ৰাবাসত থকা কুৰিজনকৈ ছাত্ৰ হৈ পৰিল অসুস্থ। প্ৰচণ্ড পেটৰ বিষ আৰু বমি অনুভৱ কৰিবলৈ ধৰা ছাত্ৰসকলক নিশাই গোৱালপাৰাৰ ছ'লেচ হস্পিতালত ভৰ্ত্তি কৰোৱা হয় । চালানী মাছেৰে নিশাৰ আহাৰ খোৱাৰ পাছতে অসুস্থ হৈ পৰিছিল কুৰিজনকৈ ছাত্ৰ । পাতে গজাৰ দৰে গঢ়ি উঠা গোৱালপাৰাৰ ব্যক্তিগত শৈক্ষিক প্ৰতিষ্ঠানৰ এনে কাণ্ডত স্বাভাৱিকতে ব্যাপক প্ৰতিক্ৰিয়াৰ সৃষ্টি হৈছে গোৱালপাৰাত। বিতৰ্কিত চাইন্স একাডেমী নামৰ শিক্ষা প্ৰতিষ্ঠানখনৰ চৌহদীত ব্ৰহ্মপুত্ৰ একাডেমী নামেৰে বিধায়ক এ কে ৰছিদ আলমৰ পত্নী মালিকানাধীন এই শৈক্ষিক প্ৰতিষ্ঠানখনত এই বিষক্ৰিয়াৰ ঘটনা সংঘটিত হয় । পুৰণি বটলত নতুন মদ সুমুৱাৰ লেখীয়াকৈ ব্ৰহ্মপুত্ৰ একাডেমী নামৰ শৈক্ষিক প্ৰতিষ্ঠানখন বিতৰ্কিত চাইন্স একাডেমীৰ চৌহদীত স্থাপন কৰা হৈছে ।