সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

বৰদুমছাত উদ্ধাৰ ব্ৰাউন চুগাৰ 
অৰুণাচল প্ৰদেশৰ বৰদুমছাত ১৮ গ্ৰাম ব্ৰাউন চুগাৰ জব্দ কৰা হৈছে । ড্ৰাগছ সৰবৰাহকাৰী গুমচাও শিখেটৰ ঘৰৰ পৰা জব্দ কৰা হয় নিষিদ্ধ  ব্ৰাউন চুগাৰখিনি ।
৩২ বছৰীয়া গুমচাও শিখেটে নিজৰ ঘৰত লুকুৱাই ৰাখিছিল ব্ৰাউন চুগাৰখিনি । আৰক্ষীৰ লগতে চি আৰ পি এফ বিষয়া ভূপেন্দ্ৰ সিঙৰ নেতৃত্বত চলা এক অভিযানত উদ্ধাৰ কৰা হৈছে ব্ৰাউন চুগাৰ । গিডিং চাহ বাগিছা তিনি আলিৰ কাষত সৰবৰাহকাৰী গুমচাও শিখেটৰ ঘৰ । সম্প্ৰতি বৰদুমছা আৰক্ষীৰ জিম্মাত আছে ধৃত শিখেট । বিগত কেইবামাহো ধৰি এই নিষিদ্ধ ব্যৱসায়ৰ লগত জড়িত আছিল সৰবৰাহকাৰীজন ।