সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

শদিয়াৰ শান্তিপুৰ গেটত আন্তঃৰাজ্যিক পাৰ পত্ৰ প্ৰৱৰ্তনৰ দাবীত যুৱ ছাত্ৰ পৰিষদৰ ৰণ ডংগা। প্ৰতিকী চেক গেটেৰে প্ৰতিবাদ।
      আন্ত:ৰাজ্যিক পাৰ পত্ৰ প্ৰৱৰ্তনৰ দাবীত অসম জাতীয়তাবাদী যুৱ ছাত্ৰ পৰিষদ,তিনিচুকীয়া জিলা সমিতিয়ে শদিয়া অাঞ্চলিক সমিতিৰ সহযোগত অাজি দিনৰ ১১ বজাৰ পৰা তিনিচুকীয়া জিলাৰ অসম অৰুণাচল সীমান্তৰ শদিয়াৰ শান্তিপুৰ গেটত তিনিঘণ্টীয়া এক প্ৰতিকী চেকগেটেৰে প্ৰতিবাদী কাৰ্যসুচী ৰূপায়ন কৰে। প্ৰতিকী চেকগেটৰ প্ৰতিবাদী কাৰ্যসুচীত পৰিষদৰ কৰ্মকৰ্তাই অসম- অৰুণাচল সংযোগী ৩৭ নং ৰাষ্ট্ৰীয় ঘাই পথচোৱাৰে অহা যোৱা কৰা যান বাহন সমূহৰ নম্বৰসহ স্বাক্ষৰ লৈ একোখনকৈ গোহাৰি প্ৰদান কৰে।প্ৰতিকী প্ৰতিবাদী কাৰ্যসুচী ৰূপায়নত অংশগ্ৰহন কৰা যুৱ ছাত্ৰ পৰিষদৰ তিনিচুকীয়া জিলা সমিতিৰ সভাপতি সুৰজিৎ মৰাণৰ লগতে ভাৰপ্ৰাপ্ত সম্পাদক কাঞ্চন বৰা সহ জিলাখনৰ কেইবাখনো অাঞ্চলিক সমিতিৰ অৰ্ধ শতাধিক কৰ্মকৰ্তাই চৰকাৰ বিৰোধী শ্লগানেৰে শদিয়াৰ সীমান্ত অঞ্চলৰ পৰিবেশ উত্তাল কৰি তোলে।যুৱ ছাত্ৰৰ কৰ্মীসকলে" অসমত অান্ত:ৰাজ্যিক পাৰ পত্ৰ প্ৰবৰ্তন কৰক","অসম চৰকাৰ হায় হায়","নৰেন্দ্ৰ মোডী গ'বেক","সৰ্বানন্দ সোণোৱাল গ'বেক" অাদি প্ৰতিবাদী শ্লগানেৰে অঞ্চলটোৰ অাকাশ বতাহ কপাই তোলে।