মাৰ্ঘেৰিটা মহকুমাবাসীৰ ৰাজহুৱা স্বাৰ্থ জৰিত সমস্যা সমাধানৰ দাবীত একক ভাৱে অসম জাতীয়তাবাদী যুৱ পৰিষদৰ কেন্দ্ৰীয় উপ-সভাপতি অৱনী চলিহাই মহাত্মা গান্ধীৰ জন্মদিনটোতে মাৰ্ঘেৰিটা ৰঙ্গমঞ্চত ১২ ঘণ্টীয়া অনশন কাৰ্যসূচীৰে মাৰ্ঘেৰিটা মহকুমাধীপতিৰ যোগেদি মুখ্যমন্ত্ৰীলৈ এখন স্মাৰক পত্ৰ প্ৰেৰণ কৰে।
মাৰ্ঘেৰিটা মহকুমাবাসীৰ ৰাজহুৱা স্বাৰ্থ জৰিত সমস্যা সমাধানৰ দাবীত একক ভাৱে অসম জাতীয়তাবাদী যুৱ পৰিষদৰ কেন্দ্ৰীয় উপ-সভাপতি অৱনী চলিহাই মহাত্মা গান্ধীৰ জন্মদিনটোতে মাৰ্ঘেৰিটা ৰঙ্গমঞ্চত ১২ ঘণ্টীয়া অনশন কাৰ্যসূচীৰে মাৰ্ঘেৰিটা মহকুমাধীপতিৰ যোগেদি মুখ্যমন্ত্ৰীলৈ এখন স্মাৰক পত্ৰ প্ৰেৰণ কৰে। মাৰ্ঘেৰিটাৰ লেখাপানীত প্ৰস্তাৱিত তাপ বিদ্যুৎ প্ৰকল্পটোৰ কাম আৰম্ভ কৰা, মাৰ্ঘেৰিটা মহকুমাত থকা অসামৰিক চৰকাৰী চিকিৎসালয়খনক মহকুমা চিকিৎসালয়লৈ উন্নতি কৰা, মাৰ্ঘেৰিটা মহকুমাত জনসাধাৰণৰ বাবে চিকিৎসা সহজলভ্য কৰা, অবৈধ মদ, গুটখা , কানি, ড্ৰাগছ, ভাং আদি সম্পূৰ্ণ বন্ধ কৰা, ৮০ দশকত ক'ল ইণ্ডিয়াই আমদানী কৰা অপেন কাষ্ট মাইনিং অৰ্থাত মুক্তখনন পদ্ধতি বন্ধ কৰি বিজ্ঞান সন্মতভাৱে আভ্যন্তৰীণ পদ্ধতিৰে কয়লা খনন আৰম্ভ কৰাৰ ( মুক্ত খনৰ ফলত চিৰসেউজ পাটকাই পাহাৰ ধ্বংস হৈছে, পানী, জলবায়ু প্ৰদুৰ্ষণ হোৱাৰ লগতে মানুহৰ জীৱন সা-সাম্পত্তিৰ নিৰাপত্তা নাইকিয়া হৈছে । ) , মাৰ্ঘেৰিটা মহকুমাত ৪৫টাৰো অধিক কেচা কয়লাৰ কোক ভাটা আছে এই সমূহত সন্ধেহযুক্ত বাংলাদেশী শ্ৰমিক থকা সন্দেহ আছে এই সমূহৰ বিৰুদ্ধে তদন্ত কৰাৰ লগতে কোক ভাটা সমূহে গোলকীয় উষ্ণতা বৃদ্ধিৰ লগতে ব্যায়াপক প্ৰদূষণৰ সৃষ্টি কৰাৰ ফলত বাসিন্দা সকলৰ হাওঁফাওঁ আৰু শৰীৰত নানা ৰোগ হোৱাৰ লগতে শ্বাস-প্ৰশ্বাসৰ সম্যাত শিশু পৰা বয়সীয়াল লোক আক্ৰান্ত হোৱাই নহয় মহকুমাটোৰ খেতি পথাৰ, ঘৰ বাৰী বিনস্ত কৰি পাৰিপাশ্চিকতা আঘাত কৰিছে সেইয়ে এই সমূহ কোক ভাটাৰ বিৰুদ্ধে ব্যৱস্থা গ্ৰহণ কৰা, তিনিচুকীয়া জিলাৰ জাগুন পৰ্য্যন্ত ৰেল পথৰ ব্যৱস্থা কৰি অত্যাধুনিকভাৱে অধিক ৰেল সেৱাৰ ব্যৱস্থা কৰা, ক'ল ইণ্ডিয়াত স্থানীয় নিযুক্তি ব্যৱস্থা কৰাৰ আদি দাবীত এই অনশন কাৰ্য্যসূচী হাতত লৈছে। অন্যহাতে আজিৰ অনশন কাৰ্যসূচীৰ পাছতে এমাহ ধৰি সমগ্ৰ অসমতে প্ৰচাৰ পত্ৰিকা বিতাৰণ কৰাৰ পাছতে গুৱাহাটীত মুণ্ডন কাৰ্যসূচীৰে এই আন্দোলন সাময়িক ভাৱে স্থগিত কৰিব বুলি জাতীয়তাবাদী যুৱ পৰিষদৰ কেন্দ্ৰীয় উপ-সভাপতি অৱনী চলিহাই সংবাদমাধ্যমক জানিবলৈ দিছে।
Comments
Post a Comment