সকলোৱে দৃষ্টি নিবদ্ধ থকা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন।*মম্পী সিং দত্তৰ মাকুমপথাৰ গাওঁ পঞ্চায়তৰ সভাপতি নিৰ্বাচিত* মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়া সম্পন্ন। পুনৰ দ্বিতীয়টো কাৰ্যকালৰ বাবে মাকুমপথাৰ গাওঁ পঞ্চায়তৰ সভাপতি হিচাপে নিৰ্বাচিত হয় মম্পী সিং দত্তৰ। মম্পী সিং দত্তৰ এইবাৰ সভাপতি পদৰ বাবে তীব্ৰ বাধা সন্মূখীন হ'ব বুলি ধাৰণা কৰা হৈছিল যদিও সকলো প্ৰত্যাহ্বান নেওচি সভাপতি হিচাপে নিৰ্বাচিত হয় মম্পী সিং দত্ত। মাৰ্ঘেৰিটা খণ্ড উন্নয়ন বিষয়া কাৰ্যলয়ত অনুষ্ঠিত হোৱা মাকুমপথাৰ গাওঁ পঞ্চায়তৰ সভাপতি বাছনিৰ প্ৰক্ৰিয়াত প্ৰথম পৰ্যায়ত বিৰোধীতা থাকিলেও আজি কিন্তু পঞ্চায়তৰ সকলো সদস্যই মম্পী সিং দত্তকে সমৰ্থন আগবঢ়াই। নৱ নিৰ্বাচিত পঞ্চায়ত সভাপতি মম্পী সিং দত্তই সভাপতি হিচাপে নিৰ্বাচিত কৰাৰ বাবে প্ৰতি গৰাকীৰ ৱাৰ্ড সদস্যক ধন্যবাদ জ্ঞাপন কৰাৰ লগতে আগন্তুক দিনত পঞ্চায়তখনৰ উন্নয়নৰ স্বাৰ্থত কাম কৰি যোৱা কথা দোহাৰে।বাইটঃ মম্পী সিং দত্ত, নৱ নিৰ্বাচিত সভাপতি,মাকুমপথাৰ গাওঁ পঞ্চায়ত।

মাৰ্ঘেৰিটাৰ পৰা ১৭বছৰীয়া যুৱক সন্ধানহীন

 তিনিচুকীয়া জিলাৰ মাৰ্ঘেৰিটা থানাৰ এলেকাধীন মাকুম পথাৰ চিৰোগাৱৰ পৰা এজন যুৱক ১১ দিনে  নিৰুদ্দেশ হৈ আছে  ।   যোৱা ২৯ চেপ্তেম্বৰৰ বিয়লী ৩.১০ মান বজাত মাৰ্ঘেৰিটা থানাৰ অধীনৰ চিৰো গাৱৰ বাসিন্দা কমল মেছৰ পুত্ৰ দেৱজিৎ মেছ (১৭)নাহৰকটীয়ালৈ বুলি ইণ্টাৰচিটি যোগে গৈ থকা অৱস্থাত নিৰুদ্দেশ হৈ আছে। অতি দুখীয়া পৰিয়ালৰ যুৱকজন এনেদৰে হঠাতে নিৰুদ্দেশ হোৱাত হতাশাত ভাগি পৰিছে পৰিয়ালটো। কোনো সদাশয় লোকে যুৱক জনৰ কিবা সন্ধান পালে ৮০১১৭৬১৫৭১ নম্বৰত জনাবৰ বাবে কাতৰ আহ্বান জনাইছে।