মাৰ্ঘেৰিটাৰ লিডুত খিলঞ্জীয়া জনজাতি ৰাজ্যিক সন্মিলনৰ সংবাদমেল।ট্ৰাইবেল বেল্ট এণ্ড ব্লকৰ ভূমি অজনজাতি লোকে বেদখল কৰাকলৈ সৰৱ খিলঞ্জীয়া জনজাতি সন্মিলন। আজি দিনজোৰা কাৰ্যসূচীৰে টিৰাপ স্বায়ত্ত্বশাসিত জিলা পৰিষদ দাবী সমিতিৰ উদ্যোগত আৰু মুংলাং খামতি বাসীৰ সহযোগত মাৰ্ঘেৰিটাৰ লিডুৰ মুংলাং খামতি গাঁৱত ৰাজ্যিক পৰ্য্যায়ৰ এখন খিলঞ্জীয়া জনজাতি অভিবৰ্তন অনুষ্ঠিত কৰা হয়।উক্ত অনুষ্ঠানত উত্তৰ পূৱাঞ্চলৰ বহু সংখ্যক খিলঞ্জীয়া জনজাতীয় সংগঠনৰ প্ৰতিনিধিয়ে অংশগ্ৰহণ কৰে। সন্ধিয়া লিডুৰ মুংলাং খামতি গাঁৱত খিলঞ্জীয়া জনজাতি সন্মিলনৰ নেতৃত্বই এখন সংবাদমেল অনুষ্ঠিত কৰি অভিবৰ্তনৰ সন্দৰ্ভত সাংবাদিকৰ আগত সৱিশেষ অৱৰ্গত কৰে। ৰাজ্যিক অভিবৰ্তনত ১০ টাতকৈ অধিক সিদ্ধান্তত ঐক্যমত। জনজাতিলোকৰ অধিকাৰৰ সপক্ষে মাত মাতিব বাবে "জনজাতি সংগঠন সমূহৰ সমন্বয় সুৰক্ষা সমিতি,টিৰাপ" গঠন। টিৰাপ বেল্ট এণ্ড ব্লকৰ ভূমি অবৈধ বেদখল কাৰীৰ মুক্ত কৰাৰ, কথা ৰাজপৰিয়ালৰ ৩২ বিঘা ভূমি অবৈধ বেদখল কাৰীৰ পৰা মুক্ত কৰা, কল ইণ্ডিয়া মুক্ত খনন বন্ধ কৰা, ভূমি পুত্ৰ টাংছাসকলক সুৰক্ষা প্ৰদান কৰাকে ধৰি বহু কেইটা বিষয়ৰ ওপৰত সিদ্ধান্ত গ্ৰহণ কৰে। ট্ৰাইবেল বেল্ট এণ্ড ব্লকৰ ভূমি অজনজাতি লোকে বেদখল কৰাকলৈ তীব্ৰ অসন্তুষ্টি প্ৰকাশ খিলঞ্জীয়া জনজাতি ৰাজ্যিক সন্মিলনৰ।ট্ৰাইবেল বেল্ট এণ্ড ব্লকৰ ভূমি সুৰক্ষিত কৰিবলৈঐক্যবদ্ধ ভাৱে প্ৰতিবাদী কাৰ্যসূচী গ্ৰহণ কৰিবলৈ আজি অভিবৰ্তনত সৰ্বসন্মত সিদ্ধান্ত গ্ৰহণ কৰা হয়।