মাৰ্ঘেৰিটাত আন্তৰাষ্ট্ৰীয় ড্ৰাগছ বিৰোধী দিৱস পালন। সমগ্ৰ বিশ্বতে নিচাজাতীয় সামগ্ৰীৰ অবাধ প্ৰচলন তথা ড্ৰাগছৰ লগতে বিভিন্ন অবৈধ সৰবৰাহে এক ভয়াৱহ ৰূপ লৈছে। বিভিন্ন সা-সামগ্ৰী আন্তৰাষ্ট্ৰীয় বজাৰত অবৈধভাৱে সৰবৰাহৰ পয়োভৰ বৃদ্ধি পাবলৈ লৈছে।জনসাধাৰণক ড্ৰাগছ আৰু নিচাজাতীয় সামগ্ৰীসমূহৰ লগতে সৰবৰাহৰ বিৰুদ্ধে সজাগ কৰিবলৈ নিখিল ভাৰত যুৱ ফেডাৰেচন(AIYF) আৰু নিখিল ভাৰত কৃষক সভা(AIKS)ৰ তিনিচুকীয়া জিলা সমিতিৰ উদ্যোগত আৰু লিডু মহাবিদ্যালয়ৰ সহযোগত আজি মাৰ্ঘেৰিটাৰ লিডুত মহাবিদ্যালয়ৰ সভাগৃহত “আন্তঃৰাষ্ট্ৰীয় ড্ৰাগছ আৰু অবৈধ সৰবৰাহ বিৰোধী দিৱস” পালন কৰা হয়।উক্ত অনুষ্ঠানত উপস্থিত থাকে নিখিল ভাৰত কৃষক সভাৰ অসম ৰাজ্যিক পৰিষদৰ সহকাৰী সম্পাদক সঞ্জীৱ গাংগুলী, লিডুৰ মহাবিদ্যালয়ৰ অধ্যক্ষ কৃপাপ্ৰসাদ উপাধ্যায়, মহাবিদ্যালয়ৰ শিক্ষক শিক্ষয়িত্ৰীসহ AIYF আৰু AIKS ৰ বহু সংখ্যক কৰ্মকতা আৰু লিডুৰ বিদ্যালয়ৰ ছাত্ৰ ছাত্ৰীৰ। সভাত স্থানীয় জীতেন কোঁৱৰ নামৰ অন্ধ শিল্পী গৰাকীয়ে ভাৰতৰত্ন ড০ ভূপেন হাজৰিকা দেৱৰ মানুহে মানুহৰ বাবে গীতটো পৰিবেশন কৰি উপস্থিতিত সকলোকে আমোদ দিয়ে। সভাৰ আৰম্ভণিতে উপস্থিতিত সকলোৱে ড্ৰাগছ বিৰোধী শপত গ্ৰহণ কৰে।