ডিগবৈত টাই আহোম যুৱ পৰিষদৰ বিশেষ অভিনন্দন অনুষ্ঠানটাই আহোম যুৱ পৰিষদৰ ডিগবৈ আঞ্চলিক সমিতিয়ে ডিগবৈ সাহিত্য সেৱা সমিতিৰ প্ৰাঙ্গণত মেধাৱী কৃৰ্তী ছাত্ৰ ছাত্ৰী সকলৰ বাবে বিশেষ অভিনন্দন অনুষ্ঠান অনুষ্ঠিত কৰে।পৰিষদৰ আঞ্চলিক সমিতিৰ কাৰ্যকৰী সভাপতি দীপজ্যোতি গগৈয়ে আঁত ধৰা আৰু বিকাশ গগৈয়ে উদ্দেশ্য ব্যাখ্যা কৰাৰ অনুষ্ঠানত সভাপতিত্ব কৰে পৰিষদৰ আঞ্চলিক সমিতিৰ সভাপতি বিতোপন লাহনে। সভাত বিশিষ্ট অতিথি ৰূপে উপস্থিত থাকে মাৰ্ঘেৰিটা ৰাজহ চক্ৰ বিষয়া জ্ঞানজ্যোতি দত্ত, ডিগবৈ সাহিত্য সেৱা সমিতিৰ সভানেত্ৰী নিৰুপমা গোস্বামী, ডিগবৈ পৌৰসভাৰ কাৰ্যবাহী বিষয়া অনিৰুদ্ধ বৰা, ডিগবৈ আৰক্ষী থানাৰ ভাৰপ্ৰাপ্ত আৰক্ষী বিষয়া দিব্যজ্যোতি দত্ত, বিশিষ্ট ক্ৰীড়াবিদ তথা সমাজকৰ্মী যোগেন পাটোৱাৰী, আছুৰ ডিগবৈ আঞ্চলিক সমিতিৰ উপদেষ্টা নিখিল কোঁচ, টাইপা কেন্দ্ৰীয় সহকাৰী সম্পাদক প্ৰাঞ্জল গগৈ, সাংগঠনিক সম্পাদক প্ৰভাত চাংমাই আদি উপস্থিত থাকে। উপস্থিত অতিথি সকলে ছাত্ৰ ছাত্ৰী সকলক উদ্দেশ্যি আগবঢ়োৱা ভাষণ প্ৰসঙ্গত ভবিষ্যত শিক্ষা জীৱনক প্ৰণালীবদ্ধ ভাৱে অধ্যয়নত গুৰুত্ব আৰোপ কৰিবলৈ আহ্বান জনায়। লগতে টাইপা এনে প্ৰশংসনীয় পদক্ষেপ ভূয়সী প্ৰশংসা কৰে। ডিগবৈ পৰীক্ষা কেন্দ্ৰ পৰা সুখ্যাতিৰে উত্তীৰ্ণ হোৱা ২৬ গৰাকী মেধাৱী ছাত্ৰ ছাত্ৰীক এখনি টাই জনগোষ্ঠীয় গামোচা আৰু সম্বৰ্ধনা পত্ৰৰে সম্বৰ্ধনা জ্ঞাপন কৰে।