ভাৰতীয় সেনা বাহিনীৰ বিষয়া পদত নিযুক্তি পোৱা সহদেৱ ছেত্ৰীলৈ সম্বৰ্ধনা জ্ঞাপন। *অসম চৰকাৰৰ গোৰ্খা উন্নয়ন পৰিষদসহ একাধিক সংগঠনৰ সম্বৰ্ধনা জ্ঞাপন*ভাৰতীয় সেনা বাহিনীত বিষয়া হিচাপে নিযুক্তি লাভ কৰাৰ মাৰ্ঘেৰিটাৰ সহদেৱ ছেত্ৰীলৈ বিভিন্ন দল সংগঠনৰ জ্ঞাপন। উল্লেখ্যে যে অলপতে হৈ যোৱা ভাৰতীয় সেনা বাহিনীৰ বিষয়া পৰ্যায়ৰ নিযুক্তি পৰীক্ষাত সহদেৱ ছেত্ৰীয়ে সুখ্যাতিৰে উত্তীৰ্ণ হৈ ভাৰতীয় সেনা বাহিনীত লেফটেনেণ্ট হিচাপে নিযুক্তি লাভ কৰিবলৈ সক্ষম হয়।যুৱকজনৰ এই সফলতাৰ বাবে আজি গোৰ্খা জাতীয় বিভিন্ন দল সংগঠনৰ লগতে মাৰ্ঘেৰিটাৰ একাধিক দল সংগঠনে সম্বৰ্ধনা জ্ঞাপন কৰে। সদৌ অসম গোৰ্খা ছাত্ৰ সন্থা কেন্দ্ৰীয় সমিতিৰ, সদৌ অসম গোৰ্খা ছাত্ৰ সন্থা তিনিচুকীয়া জিলা সমিতিৰ, অসম চৰকাৰৰ গোৰ্খা উন্নয়ন পৰিষদ, অসম সাহিত্য সভাৰ,সদৌ অসম গোৰ্খা সাহিত্য সন্মিলনৰ তিনিচুকীয়া জিলা সমিতিৰ, মাৰ্ঘেৰিটা সাংবাদিক সংস্থা, লগতে মাৰ্ঘেৰিটা বিভিন্ন দল সংগঠন আৰু ব্যক্তি বিশেষে সম্বৰ্ধনা জ্ঞাপন কৰে। আজি অনুষ্ঠিত সম্বৰ্ধনা জ্ঞাপন অনুষ্ঠানত উপস্থিত থাকে সদৌ অসম গোৰ্খা ছাত্ৰ সন্থা কেন্দ্ৰীয় সমিতিৰ সাধাৰণ সম্পাদক নোমল ছেত্ৰী, সদৌ অসম গোৰ্খা ছাত্ৰ সন্থা তিনিচুকীয়া জিলা সমিতিৰ সভাপতি অশোক লামা, সাধাৰণ সম্পাদক শেখৰ গুৰুং, গোৰ্খা উন্নয়ন পৰিষদৰ অধ্যক্ষ প্ৰেম তামাং , অসম সাহিত্য সভাৰ সাংগঠনিক সম্পাদক সুনিল গুৰুং,সদৌ অসম গোৰ্খা সাহিত্য সন্মিলনৰ সভাপতি এম বাহাদুৰ ছেত্ৰী, মাৰ্ঘেৰিটা সাংবাদিক সংস্থাৰ বিষয় ববীয়া লগতে মাৰ্ঘেৰিটা বিভিন্ন দল সংগঠন আৰু ব্যক্তি বিশেষ উপস্থিত থাকে।