তিনিচুকীয়া জিলাৰ জাগুন আৰক্ষী চকীৰ অৰ্ন্তগত ৰামপুৰ পাঁচ মাইলত লেখাপানী আৰু জাগুন আৰক্ষীয়ে আজি পুৱাই গুপন সূত্ৰৰ পম খেদি দুই কুখ্যাত ড্ৰাগচ বেপাৰীক আটক কৰিবলৈ সক্ষম হয়। আটোকাধিন দুই ব্যক্তিৰ বাহনৰ পৰা বৃহৎ পৰিমান ড্ৰাগচ জব্দ কৰিবলৈ সক্ষম হয় আৰক্ষীৰ দটোৱে। AS 23 AJ- 7772 নম্বৰৰ এখন মাৰুতি ইকস্থাৰ গাড়ীৰ চিট বেল্ট বক্সৰ ভিতৰত লুকুৱাই মনিপুৰৰ পৰা জাগুনৰ অভিমুখে ড্ৰাগচখিনি আনি থকাৰ সময়তে আৰক্ষীয়ে জব্দ কৰে ড্ৰাগচখিনি। জব্দ কৰা ড্ৰাগচখিনি পৰিমান 52 গ্ৰাম বুলি আৰক্ষীৰ সূত্ৰে প্ৰকাশ পাইছে। ড্ৰাগচ বেপাৰী দুটা তিনিচুকীয়া জিলাৰ পেঙেৰীৰ নিবাসী ক্ৰমে ৰাজু ছেত্রী (৩৮) আৰু বিষ্ণু ছেত্রী (৩১)। উল্লেখ্য যে গাড়ীখনত আৰু বৃহৎ পৰিমানৰ ড্ৰাগচ লুকুৱাই অনাৰ সন্দেহ কৰিছে আৰক্ষীয়ে। ইতিমধ্যে লেখাপানী আৰক্ষীয়ে গাড়ীৰ মেকানিকৰ সহযোগত জব্দ কৰা গাড়ীখন ড্ৰাগচ সন্ধানত অধিক তন্ন তন্নকৈ তালাচী কৰাৰ ব্যৱস্থা গ্ৰাহন কৰিছে।