মটক স্বায়ত্বশাসিত পৰিষদৰ উদ্যোগত ডিৰাক উচ্চতৰ মাধ্য়মিক বিদ্যালয় প্ৰাঙ্গনত ৰূপসজ্জা (Beautician)ৰ কৰ্মশালা আৰম্ভ। তিনিচুকীয়া জিলাৰ অসম অৰুণাচল সীমান্তৱৰ্তী অঞ্চল ডিৰাক উচ্চতৰ মাধ্যমিক বিদ্যালয় প্ৰাঙ্গনত মটক স্বায়ত্বশাসিত পৰিষদৰ উদ্যোগত মহিলা সৱলীকৰণ আৰু আত্মনিৰ্ভলশীল আচঁনিৰ অধীনত আজিৰে পৰা ১০ দিনীয়া ৰূপসজ্জা (Beautician)ৰ কৰ্মশালা আৰম্ভ হয়। উক্ত কৰ্মশালা উদ্বোধন কৰি ৮১ নং শদিয়া বিধান সভা সমষ্টিৰ বিধায়ক প্ৰতিনিধি সীমান্ত মৰাণে এনেধৰণ আঁচনি হাতত লোৱা বাবে মটক স্বাত্বশাসিত পৰিষদৰ ধন্যবাদ জ্ঞাপন কৰাৰ লগতে কয় যে আমাৰ মহিলাসকল আত্মনিৰ্ভলশীল হোৱা মানে এটা পৰিয়াল স্বাৱলম্বি হোৱা আৰু দেশখন এখোজ আগলৈ আগবঢ়া। প্ৰায় ১০০ গৰাকীতকৈও অধিক মহিলাই অংশগ্ৰহণ কৰা উক্ত কৰ্মশালাটোৰ শুভাৰম্ভ অনুষ্ঠানৰ সভাপতিত্ব কৰে মটক স্বায়ত্বশাসিত পৰিষদৰ কাৰ্যবাহী সদস্য শ্ৰীযুত বিমল বৰুৱাদেৱে আৰু উপস্থিত থাকে মটক স্বায়ত্বশাসিত পৰিষদৰ উপাধ্যক্ষ দেৱৰ্ষি বৰুৱা, পৰিষদৰে সদস্য ক্ৰমে স্বৰূপজ্যোতি চেতিয়া, বিমল চেতিয়া, মাখন চেতিয়া আৰু দিবাকৰ সেনাপতি লগতে ৮১ নং শদিয়া বিধানসভা সমষ্টিৰ বিধায়ক শ্ৰীযুত বলিন চেতিয়াদেৱৰ সহধৰ্মীনি, মটক জনগোষ্ঠীৰ কেওটা সংগঠনৰ বিষয়-ববীয়া। উক্ত কৰ্মশালাত মুখ্য প্ৰশিক্ষক হিচাপে থাকিব দিপাঞ্জলী বৰুৱা।