মাৰ্ঘেৰিটাত ভাৰতীয় ৰেড্ ক্ৰছ ছ'চাইটি মাৰ্ঘেৰিটা শাখাৰ উদ্যোগত ৰাষ্ট্ৰীয় চিকিৎসক দিৱস উদৰ্যাপন। ৰাষ্ট্ৰীয় চিকিৎসক দিৱস হৈছে ব্যক্তি তথা সমাজলৈ আগবঢ়োৱা অৱদান স্বৰূপে চিকিৎসক সকলৰ এক স্বীকৃতি প্ৰদান অনুষ্ঠান। বিভিন্ন অনুষ্ঠান প্ৰতিষ্ঠানে ১ জুলাই তাৰিখে অনুষ্ঠিত কৰি আহিছে ৰাষ্ট্ৰীয় চিকিৎসক দিৱস। ভাৰতীয় ৰেড্ ক্ৰছ ছ'চাইটি মাৰ্ঘেৰিটা শাখাইয়ো বিগত বৰ্ষৰ সমূহৰ দৰে এই বৰ্ষতো মাৰ্ঘেৰিটাত দিনযোৰা কাৰ্যসূচীয়ে অনুষ্ঠিত কৰে ৰাষ্ট্ৰীয় চিকিৎসক দিৱস ও সজাগতা সভা অনুষ্ঠিত। সভাত চিকিৎসা মহাবিদ্যালয়ৰ অৱসৰপ্ৰাপ্ত চিকিৎসক ড০ পি কে চৌধুৰীয়ে মানসিক ৰোগ আৰু ইয়াৰ প্ৰতিৰোধৰ সন্দৰ্ভত বক্তব্য দাঙি ধৰে। ৰাষ্ট্ৰীয় চিকিৎসক দিৱসৰ লগত সংগতি ৰাখি সমাজলৈ আগবঢ়োৱা অনবদ্য অৱদানৰ বাবে একুৰিও অধিক চিকিৎসকক ভাৰতীয় ৰেড ক্ৰছ ছ'চাইটি মাৰ্ঘেৰিটা শাখা তৰফৰ পৰা সম্বৰ্ধনা জ্ঞাপন কৰা হয়।ডিব্ৰুগড় অসম চিকিৎসা মহাবিদ্যালয়ৰ অৱসৰপ্ৰাপ্ত চিকিৎসক ড০ পি কে চৌধুৰীক সমাজলৈ আগবঢ়োৱা বিশিষ্ট অৱদানৰ বাবে ভাৰতীয় ৰেড ক্ৰছ ছ'চাইটি মাৰ্ঘেৰিটা শাখা তৰফৰ পৰা বিশেষ সম্বৰ্ধনা জ্ঞাপন কৰা হয়। ৰাষ্ট্ৰীয় চিকিৎসক দিৱস অনুষ্ঠানৰ আঁত ধৰে ভাৰতীয় ৰেড ক্ৰছ ছ'চাইটি মাৰ্ঘেৰিটা শাখা সাধাৰণ সম্পাদক পৱিত্ৰ বৰগোহাঞিয়ে।অনুষ্ঠানত উপস্থিত থাকে মাৰ্ঘেৰিটা সম-জিলা সহকাৰী আয়ুক্ত প্ৰণামিকা কোঁৱৰসহ চিকিৎসা সেৱা লগত জড়িত চিকিৎসক, নাৰ্ছ, আশাকৰ্মী লগতে অঞ্চলটো বহু সংখ্যক গন্য মান্য ব্যক্তি ও স্থানীয় ৰাইজ।বাইটঃ ড০ পি কে চৌধুৰী, ডিব্ৰুগড় অসম চিকিৎসা মহাবিদ্যালয়ৰ অৱসৰপ্ৰাপ্ত চিকিৎসক।