মাৰ্ঘেৰিটাত পূৰ্বোত্তৰ খাদান মজদূৰ সংঘৰ ধৰ্ণা উত্তৰ-পূব কয়লা ক্ষেত্ৰৰ অন্যতম শ্ৰমিক সংগঠন পূৰ্বোত্তৰ খাদান মজদূৰ সংঘই আজি এক ধৰ্ণা কাৰ্যসূচী ৰূপায়ন কৰে।মাৰ্ঘেৰিটাস্থ উত্তৰ-পূব কয়লা ক্ষেত্ৰৰ মহাপ্ৰবন্ধকৰ কাৰ্যালয়ৰ সন্মুখত ৰূপায়ন কৰে এই প্ৰতিবাদী কাৰ্যসূচী।উল্লেখযোগ্য যে উত্তৰ-পূব কয়লা ক্ষেত্ৰৰ অধীনৰ টিককৰ মাইনিঙ কোম্পানীয়ে ডাম্পিঙ গ্ৰাউণ্ডৰ অভাবত উৎপাদন বন্ধ হৈ আছে ।দহ দফীয়া দাবীৰ সমৰ্থনত ৰূপায়ন কৰে এই প্ৰতিবাদী কাৰ্যসূচী।টিৰাপ, টিকক ইষ্ট আৰু টিকক ৱেষ্ট কলিয়ৰীৰ মুকলি কৰা আদি দহ দফীয়া দাবীৰ সমৰ্থনত প্ৰতিবাদ সাব্যস্ত কৰে।প্ৰতিবাদ কাৰী সকলে বিভিন্ন শ্ল'গানেৰে পৰিবেশ উত্তাল কৰি তোলে।শ্ৰমিক সংগঠনটোৱে শীঘ্ৰে দাবী সমূহৰ সমাধানৰ বাবে ব্যৱস্থা গ্ৰহণ নকৰিলে অনাগত দিনত বৃহৎ গণতান্ত্ৰিক আন্দোলন গঢ়ি তুলিব বুলি সঁকীয়াই দিয়ে।