ডিগবৈত "সাংস্কৃতিক সমাৰোহ-২০২৫" ৰ সফল সমাপ্তি। সমাজসংগঠক ৰাণাজ্যোতি নেওগলৈ ত্ৰিভংগ সাংস্কৃতিক আদৰ্শ সন্মান তিনিচুকীয়া জিলা সাংবাদিক সন্থাৰ সাধাৰণ সম্পাদক ৰাণাজ্যোতি নেওগলৈ সমাজজীৱন , ভাওনা সংস্কৃতিলৈ আগবঢ়োৱা অৱদানৰ বাবে আগবঢ়োৱা হয় ত্ৰিভংগ সাংস্কৃতিক আদৰ্শ সন্মান ২০২৫ ডিগবৈৰ বালিজান সাংস্কৃতিক প্ৰেক্ষাগৃহত ত্ৰিভংগ সাংস্কৃতিক মঞ্চই আয়োজন কৰা সাংস্কৃতিক সমাৰোহত নেওগে গ্ৰহণ কৰে এই সন্মান ।তেওঁৰ লগতে শ্ৰী শ্ৰী আদৰ্শ সত্ৰৰ সত্ৰাধীকাৰ মুনমুন দেৱগোস্বামী , সাংস্কৃতিক কৰ্মী ৰুবুল বৰুৱা, গীতালি মহন্ত আদিকে ধৰি কেইবাজনো বিভিন্ন ক্ষেত্ৰলৈ আগবঢ়োৱা অৱদানৰ বাবে প্ৰদান কৰা হয় এই বঁটা।ডিগবৈত "সাংস্কৃতিক সমাৰোহ-২০২৫" ৰ সফল সমাপ্তি।তিনিচুকীয়া জিলা তথা ডিগবৈৰ অন্যতম সামাজিক,সাংস্কৃতিক,আধ্যাত্মিক অনুস্থান ত্ৰিভংগ সাংস্কৃতিক মঞ্চৰ অষ্টম বাৰ্ষিক প্ৰতিষ্ঠা দিৱসৰ লগত সংগতি ৰাখি আয়োজন কৰা দুদিনীয়া বৰ্নাধ্য কাৰ্যসূচীৰে "সাংস্কৃতিক সমাৰোহ-২০২৫" ৰ সফল সমাপ্তি হয়।সমাৰোহৰ লগত সংগতি ৰাখি বৰগীত,খোল বাদন,সৃষ্টিশীল নৃত্য,দশৱতাৰ নৃত্য আৰু ভাওনা সংলাপৰ প্ৰতিযোগিতা অনুষ্ঠিত কৰা হয়।এখনি শিশু আৰু মহিলা সকলৰ ভাওনা কৰ্মশালাৰ অন্তত দুখনকৈ ভাওনা প্ৰদৰ্শন কৰা হয়।লগতে অসমৰ বিভিন্ন প্ৰান্তৰ একুৰি অধিক সমাজৰ হকে কাম কৰা দক্ষ ব্যক্তি বিশেষ বঁটা প্ৰদান কৰা হয়। সাংবাদিক-বায়ন দিপাংকৰ শৰ্মাৰ নেতৃত্বত আয়োজন হোৱা সমাৰোহ খনিত ৰাইজৰ বিপুল সহাৰিয়ে সফল সমাপ্তি ঘটে।