মাৰ্ঘেৰিটাত ৰাইজৰ দলৰ বৃহৎ সভা**মাৰ্ঘেৰিটাত উপস্থিত হ’ল বিধায়ক অখিল গগৈ*২০২৬ ৰ বিধানসভা নিৰ্বাচনৰ সময় সমাগত । ইতিমধ্যে বিভিন্ন ৰাজনৈতিক দলে নিৰ্বাচনী কুচকাৱাজ আৰম্ভ কৰিছে। ঠিক তেনে সময়ত থমকি ৰোৱা নাই "ৰাইজৰ দল“ ৷মাৰ্ঘেৰিটা নগৰৰ মাজমজিয়াত থকা ৰংগমঞ্চত "ৰাইজৰ দল" এ অনুষ্ঠিত কৰা এক সভাত উপস্থিত ৰাইজৰ ভীৰ পৰিলক্ষিত হয়। ইতিমধ্যে ছাত্ৰ মুক্তি সংগ্ৰাম সমিতিৰ কেন্দ্ৰীয় সাধাৰণ সম্পাদক ৰাহুল ছেত্ৰীয়ে ছাত্ৰ মুক্তিৰ পৰা পদত্যাগ কৰিছেহি । ৰাহুল ছেত্ৰীয়ে আজি হাজাৰ হাজাৰ সমৰ্থিত জনতাৰ সন্মুখত ৰাজনৈতিক দল "ৰাইজৰ দল“ ত যোগদান কৰে ৷লগতে ২৬ ৰ বিধানসভা নিৰ্বাচনত ৮৩ নং মাৰ্ঘেৰিটা সমষ্টিৰ পৰা "ৰাইজৰ দল"ৰ পৰা ৰাহুল ছেত্ৰীয়ে প্ৰতিদ্বন্দ্বীতা যে কৰিব সেয়া স্পষ্ট হৈ পৰে ৷সভাত ৰাইজৰ দলৰ সভাপতি অখিল গগৈয়ে কোৱা অনুসৰি --ৰাইজে এইবাৰ পৰিৱৰ্তন বিছাৰিচে ।সাম্প্ৰদায়িক আৰু ফেছিস্ট বিজেপিক বিদায় দিয়াৰ উদ্দেশ্যৰেই মাৰ্ঘেৰিটাৰ ৰংগমঞ্চত ৰাইজ একত্ৰিত হৈছে। বৃহত অসমীয়া জাতিক সাঙুৰি প্ৰগতিশীল জাতীয়তাবাদৰ সমাজ গঢ়াৰ উদ্দেশ্যৰে ঠিয় দিছে "ৰাইজৰ দল"অখিল গগৈয়ে ভাষণ প্ৰসংগত কয় ৮৩ নং মাৰ্ঘেৰিটা সমষ্টিত যদিহে ৰাইজে ভোট দি জয়যুক্ত কৰায় তেন্তে বহুমুখীউন্নয়ন হব মাৰ্ঘেৰিটাত। শেষত ভাষণ প্ৰসংগত অখিল গগৈয়ে কয় বৰ্তমানৰ বিধায়ক ভাস্কৰ শৰ্মাই আজিকোপতি সদনত ভাষণ দি নাপালে । দুই তিনিজন বিধায়কৰ সতে কেৱল জুৱা খেলি সময় পাৰ কৰা ভাস্কৰ শৰ্মাই ৰাইজৰ বাবে যে কাম কৰিব সেয়া দুৰৈৰ কথা।