মাৰ্ঘেৰিটাৰ টিৰাপ মৌজাত জালিয়াতিৰে খাজনা সংগ্ৰহ। আদিবাসী চাহ জনগোষ্ঠীয় লোকক প্ৰৱঞ্চনা । টিৰাপ মৌজাৰ ৰাইজ সাৱধান হওক। মাৰ্ঘেৰিটাৰ সমষ্টিৰ টিৰাপ মৌজাত সংগঠিত হৈছে এক প্ৰৱঞ্চনাৰ ঘটনা। টিৰাপ মৌজাত বিশেষকৈ আদিবাসী আৰু চাহ জনগোষ্ঠীৰ লোকক হুজা দেখি দুজন ব্যক্তিয়ে কাৰো অনুমতি নোলোৱাকৈ গাওঁলীয়া মানুহক ঠগ আৰু প্ৰৱঞ্চনাৰে মাটিৰ খাজনা ৰচিদ দি ধন সংগ্ৰহৰ এক ঘটনা পোহৰলৈ আহিছে। ৷লিডু বিছা গাওঁৰ গংগা ছেত্ৰী আৰু হেমন্ত ভট্টৰায় নামৰ দুজন ধুৰন্ধৰ ব্যক্তিয়ে নিজেই খাজনা ৰচিদ আৰু ছিল মোহৰ বনাই বিঘাই প্ৰতি ২৫০০ টকাকৈ সংগ্ৰহ কৰি আহিছিল। ২০২০ চনৰ পৰা অসম চৰকাৰে অফ লাইনত খাজনা সংগ্ৰহ বন্ধ কৰিছে যদিও গংগা ছেত্ৰী আৰু হেমন্ত ভট্টৰায়ে বিছাগাওঁত অত্যধিক মাত্ৰাত ধন সংগ্ৰহ কৰি আহিছিল। এই জালিয়াতিৰ কথা ইকান সিকান বিয়পাৰ পিচত আদিবাসী ছাত্ৰ সন্থা আৰু চাহ জনজাতি ছাত্ৰ সন্থাৰ বিষয় ববীয়াই এক তদন্ত আৰম্ভ কৰে ৷আটছা আৰু আছাৰ মাৰ্ঘেৰিটা আঞ্চলিক সমিতিয়ে দুখীয়া নিচলা লোকৰ পৰা প্ৰৱঞ্চনা কৰাৰ তথ্য প্ৰমাণ লৈ সমজিলা আয়ুক্তৰ কাৰ্যালয়ত তথা চক্ৰ বিষয়াৰ কাৰ্যালয়ত আজি এখনিকৈ স্মাৰকপত্ৰ দাখিল কৰে। আছা আৰু আটছাই আক্ষেপেৰে সংবাদ মাধ্যমৰ আগত উল্লেখ কৰে যে--- চৰকাৰ আৰু প্ৰশাসনে ডিজিটেল আৰু স্মাৰ্টৰ কথা কৈ থকাৰ সময়ত টিৰাপ মৌজাত কি দৰে ভূৱা খাজনা ৰছিদ আাৰু ছিল মোহৰ বনাই ধন সংগ্ৰহ কৰিব পাৰিছে ?ইতিমধ্যে পাহাৰসদৃশ জালিয়াতি কৰি হেমন্ত ভট্টৰায় আৰু গংগা ছেত্ৰী নামৰ দুজন মৌজাদাৰৰ ভূৱা মহৰি লাখ লাখ টকা ডিঙিলৈকে গিলি পলাতক অৱস্থাত আছে বুলি গম পুৱা গৈছে। আছা আৰু আটছাৰ মন্তব্য --চৰকাৰক বুঢ়া আঙুলি দেখোৱাই মাটিৰ খাজনা সংগ্ৰহ কৰা এই দুজন ব্যক্তিক শীঘ্ৰেই প্ৰশাসনে গ্ৰেপ্তাৰ কৰক ৷অন্যথাই জংগীতকৈ জংগী কাৰ্যসুচী আছা আৰু আটছাই গ্ৰহন কৰিব বুলি সকিয়নি প্ৰদান কৰে।