"মুখ্যমন্ত্ৰী মহিলা উদ্যমীতা অভিযানত" জাকত জিলিকিল এগৰাকী মহিলা ৷এতিয়া প্ৰশংসাৰ পাত্ৰ শ্ৰীমতি মনিজা বেগম তিনিচুকীয়া জিলাৰ মাৰ্ঘেৰিটা সমষ্টিৰ অন্তৰ্গত মনিজা বেগম নামৰ এগৰাকী মহিলাই স্বাৱলম্বিতাৰ পৰিচয় দাঙি ধৰিছে। মনিজা বেগম মাৰ্ঘেৰিটা নগৰৰ সোমাজত থকা "আস্থা " আত্মসহায় গোটৰ এগৰাকী সদস্যা। উদ্যমী মহিলা গৰাকীয়ে ২০২৪ বৰ্ষত অসম ৰাজ্যিক নগৰীয়া জীৱিকা অভিযানৰ তৰফৰ পৰা ইউকো বেংক মাৰ্ঘেৰিটা শাখাৰ পৰা ৩০০০০(ত্ৰিশহাজাৰ )টকা চৰকাৰী সাহায্যৰ ঋণ লাভ কৰিছিল। এই ক্ষুদ্ৰ ধনেৰেই মনিজা বেগমে নিজৰ বাসগৃহতেই শীতল পানীয়ৰ প্ৰস্তুত কৰা এটি সৰুকৈ উদ্যোগ স্হাপন কৰে। এইক্ষেত্ৰত অসম নগৰীয়া জীৱিকা অভিযান মাৰ্ঘেৰিটা ফালৰ পৰা সকলো ধৰণৰ নথিপত্ৰৰে সহায় আগবঢ়াইছে। এতিয়া মাৰ্ঘেৰিটাবাসীৰ মুখে মুখে উদ্যমী মহিলা মনিজা বেগমৰ কথা অনেকেই কৈছে। কেৱল গৃহিণী হিচাপেই নাথাকি মনিজা বেগমে শীতল পানীয়ৰ ব্যৱসায় কৰাত চৰ্চাৰ কেন্দ্ৰবিন্দু হৈ পৰিছে।