ৰাজ্যজুৰি আদিবাসী ছাত্ৰ সন্থাৰ প্ৰতিবাদ । সাংসদ কামাখ্যা তাচাক ধীক্কাৰ জনাই পুত্তলিকা দাহ আছাৰ। কেইটাদিন পুৰ্বে পৰ্ডকাষ্টত দিয়া এক সাক্ষাৎকাৰত সাংসদ কামাখ্যা তাচাই মন্তব্য কৰা বিষয়টোত ৰাজ্যজুৰি প্ৰতিক্ৰিয়াৰ ঢৌ উঠিছে। আদিবাসী সমাজৰ মুলতঃ খ্ৰীষ্টিয়ান ধৰ্মাৱলম্বী লোকৰ বাবে বাধা আহিছে ৷ আৰু এইক্ষেত্ৰত তেওঁবিলাক জনজাতিকৰণ পোৱাটো সমীচীন নহয়। এই মন্তব্য আছিল কাজিৰঙা লোকসভা সমষ্টিৰ সাংসদ কামাখ্যা তাচাৰ। এই মন্তব্য একপ্ৰকাৰ ৰাজ্যজুৰি ইতিমধ্যেই ভাইৰেল হৈ আছে ৷ যাৰবাবে আদিবাসী ছাত্ৰসন্থা কেন্দ্ৰীয় সমিতিৰ তৰফৰ পৰা অসমজুৰি কামাখ্যা তাচাৰ পুত্তলিকা দাহ কৰাৰ নিৰ্দেশনা আহে ৷সেইমতে আজি তিনিচুকীয়া জিলাৰ আদিবাসী ছাত্ৰ সন্থা মাৰ্ঘেৰিটা আঞ্চলিক সমিতিয়ে মাকুম বাগান তিনিআলিত এক প্ৰতিবাদী কাৰ্যসুচী গ্ৰহন কৰে ৷প্ৰতিবাদী সকলে নৰেন্দ্ৰ মুদি মুৰ্দাবাদ ,কামাখ্যা তাচা মুৰ্দাবাদ , বিজেপি চৰকাৰ হায় হায় আদি শ্ল’গান দি আকাশ বতাহ কঁপাই তুলে। শেষত মাৰ্ঘেৰিটা আঞ্চলিক সমিতিৰ সভাপতি সঞ্জয় বাৰ্লা আৰু সম্পাদক চেৱেস্তিয়ান তুৰৱাৰে বিজেপি চৰকাৰ আৰু কামাখ্যা তাচাক সকিয়নি প্ৰদান কৰি কয় যে ---শীঘ্ৰেই সাংসদ কামাখ্যা তাচাই খ্ৰীষ্টিয়ান ধৰ্মাৱলম্বী আদিবাসী লোকৰ উপৰত কৰা মন্তব্য উঠাই লওক। অন্যথাই ইয়াতকৈও জংগী কাৰ্যসুচী গ্ৰহন কৰাত কুণ্ঠাবোধ নকৰিব বুলি সকিয়নী প্ৰদান কৰে ৷