প্ৰাগ নিউজৰ সাংবাদিকক আক্ৰমণৰ ঘটনাক তিনিচুকীয়া জিলা সাংবাদিক সন্থাৰ গৰিহণা : প্ৰাগ নিউজৰ সাংবাদিক মাধুৰ্য শইকীয়াক প্ৰায় ২৫ জনীয়া দুৰ্বৃত্তৰ দলৰ আক্রমণৰ ঘটনাক তীব্ৰ ভাষাৰে গৰিহণা দিছে তিনিচুকীয়া জিলা সাংবাদিক সন্থাই ।সন্থাৰ সাধাৰণ সম্পাদক ৰাণাজ্যোতি নেওগে এক প্ৰেছ টোকাৰ জড়িয়তে অতিশীঘ্ৰে দোষীক গ্ৰেপ্তাৰ কৰিবলৈ দাবী জনায় ।ৰাজ্য খনত ক্ৰমাগত ভাৱে সাংবাদিক নিগ্ৰহ তথা সাংবাদিকৰ সন্মান হানি কৰাৰ ঘটনা বৃদ্ধি পোৱাত সন্থাই উদ্বেগ প্ৰকাশ কৰে । এনে অসহিষ্ণু পৰিবেশে ৰাজ্যখনৰ আইন শৃংখলা পৰিবেশ অৱনতিৰে প্ৰতিফলন ঘটাই বুলি কৈ ৰাজ্য চৰকাৰক এই ক্ষেত্ৰত কঠোৰ ব্যৱস্থা ল'বলৈ দাবী জনায় ।