মাৰ্ঘেৰিটাত বেংক জালিয়াতিৰ সন্দৰ্ভত সৰৱ আছু । সমজিলা আয়ুক্তৰ কাৰ্যালয়ত স্মাৰকপত্ৰ প্ৰদান । ৮৩ নং মাৰ্ঘেৰিটা সমষ্টিৰ অন্তৰ্গত শেগুনবাৰীস্হিত "গ্ৰামীন বিকাশ বেংক"ৰ জালিয়াতিৰ বাতৰিয়ে এতিয়া শিৰোনামা দখল কৰিছে। গ্ৰামীণ বিকাশ বেংক এ একপ্ৰকাৰ জালিয়াতি কৰাৰ সুবিধা প্ৰদান কৰাৰ দৰে মাকুমকিল্লাৰ এগৰাকী মিনতী বৰুৱা নামৰ মহিলাক "বেংক মিত্ৰ" হিচাপে নিযুক্তি প্ৰদান কৰি পৰিচয় পত্ৰও প্ৰদান কৰিছিল। ভিতৰপাৱৈ ,মাকুমকিল্লা অঞ্চলৰ প্ৰায় ২০ গৰাকী লোকৰ নামত গ্ৰামীন বিকাশ বেংকৰ পৰা ঋণ উলিয়াই আত্মসাত কৰি বৰ্তমানেও পলাতক অৱস্থাত আছে মিনতী বৰুৱা । এতিয়া গাওঁলীয়া বিকাশ বেংক আৰু মিনতী বৰুৱাৰ বাবে হুজা গাওঁলীয়া লোকৰ জীৱনলৈ নামি আহিছে কাল অমানিশা। যাৰ বাবে আজি গাওঁৰ সমুহ ৰাইজ মাৰ্ঘেৰিটা আঞ্চলিক ছাত্ৰ সন্থাৰ সহায় লৈ সমজিলা আয়ুক্ত মহোদয়ৰ কাৰ্যালয়ত এখনি স্মাৰকপত্ৰ প্ৰেৰণ কৰে । মুঠতে গ্ৰামীণ বিকাশ বেংকৰ কতৃপক্ষক তদন্তৰ আওঁতালৈ আনি শীঘ্ৰেই মিনতী বৰুৱাক গ্ৰেপ্তাৰ কৰি দৰিদ্ৰ লোকৰ মুৰত জাপি দিয়া ঋণৰ বোজা আঁতৰাবলৈ দাবী জনায় ছাত্ৰ সন্থা আৰু স্হানীয় ৰাইজ ৷