মাৰ্ঘেৰিটা দৈনিক বজাৰত পৱিত্ৰ শ্বহীদ স্তম ব্যৱসায়ীৰ অপমান। শ্বহীদ স্তম্ভৰ চৌপাশে কৰ্দৈয্যময় পৰিৱেশ ৷ ভাৰতবৰ্ষত স্বাধীনতাৰ আন্দোলনত প্ৰাণ আহুতি দিয়া সকলক সোৱৰি মাৰ্ঘেৰিটাৰ দৈনিক বজাৰত ১৯৫৬ চনতেই কিছু সদাশয় লোকৰ দ্বাৰা নিৰ্মিত হৈছিল শ্বহীদ স্তম্ভৰ ৷পিছে মাৰ্ঘেৰিটা দৈনিক বজাৰত কিছু ব্যৱসায়ীয়ে এই ঠাইডোখৰক লেতেৰাময় পৰিৱেশ গঢ়ি তুলিছে। বীৰ শ্বহীদ সকল প্ৰান আহুতি দিয়াৰ ফলতেই আমি সৱে আজি স্বাধীন মুলুকত বাস কৰি আছো । সেয়েহে এই শ্বহীদ স্তম্ভক অপৰিস্কাৰ কৰা মানেই সেই মহান বীৰ সকলক অপমান কৰা নুবুজায়নে ?এই শ্বহীদ স্তম্ভৰ চৌপাশে থকা সৰু ৱালখন বহুবছৰ পুৰ্বে উত্তৰপুৱ কয়লা ক্ষেত্ৰই নিৰ্মান কৰি দিছিল ,যদিও বৰ্তমান সকলোটি ফুটুকাৰ ফেন হৈ ৰৈছে ৷বিভিন্ন ব্যৱসায়ীসকলে নিজৰ খেয়াল খুচিমতে শ্বহীদ স্তম্ভক অপমান কৰাৰ দৰেই জাৱৰ যোথৰ তথা পান তামোলৰ পিক পেলাই থোৱা দৃশ্যই সচেতন মহলক স্তম্ভিত কৰি তুলিছে। মাৰ্ঘেৰিটা দৈনিক বজাৰৰ বিভিন্ন দোকানিয়ে শ্বহীদ স্তম্ভৰ ভুমি দখল কৰি ময়মতালিৰে ব্যৱসায় চলাই গৈছে। এইক্ষেত্ৰত বিভিন্ন সময়ত মাৰ্ঘেৰিটা বজাৰ সমিতিয়ে অভিযোগ দিয়াৰ পিচতো মৌন মাৰ্ঘেৰিটা সমজিলা প্ৰশাসন , মাৰ্ঘেৰিটা পৌৰ সভা তথা মাৰ্ঘেৰিটা বিধায়ক ৷যাৰবাবে স্বাধীনতা দিৱসৰ সময়চোৱাত অনুষ্ঠান অনুষ্ঠিত কৰাৰ বাবে ইয়াত নানান বাধাৰ সন্মুখীন হবলগীয়া হয় । বিভিন্ন দল সংগঠন আৰু মাৰ্ঘেৰিটা বজাৰ সমিতিৰ সভাপতি সন্তোষ ছেত্ৰীয়ে ব্যৱসায়ী সকলৰ এনেহেন ময়মতালিত দুঃখ প্ৰকাশ কৰিছে ৷বজাৰ সমিতিৰ সভাপতি সন্তোষ ছেত্ৰীয়ে সকলো ব্যৱসায়ীক আহবান জনায় কয় যে শ্বহীদ সকলক সন্মান জনাই এই শ্বহীদ স্তম্ভক শীঘ্ৰেই পৰিস্কাৰ ,পৰিচ্ছন্ন কৰি ৰখাৰ বাবে উলাই আহক৷সভাপতি সন্তোষ ছেত্ৰীয়ে সংবাদমাধ্যমৰ আগত জনায় যে-- অসমৰ সৰ্বশ্ৰেষ্ঠ মুখ্যমন্ত্ৰী হিমন্তবিশ্ব শৰ্মাই গো-মাংসৰ বিৰুদ্ধে অভিযান চলোৱাৰ দৰে শ্বহীদ স্তম্ভৰ ভুমি ব্যৱসায়ী সকলে দলখ কৰা বিষয়টোত শীঘ্ৰেই অভিযান চলাবলৈ আহবান জনায়