মাৰ্ঘেৰিটা TVS নৈচা ডিলাৰত বৃহত জালিয়াতি। ফাইনেন্স কোম্পানীৰ সতে মিলি গ্ৰাহকক ৰামঠগন। বিভিন্ন সময়ত গাড়ী আৰু বাইকৰ ডিলাৰে ফাইনেন্স কোম্পানীৰ সতে জালিয়াতিৰে গ্ৰাহকৰ মুৰত ৰামটাঙোন দিয়াৰ সময়ত মাৰ্ঘেৰিটাত তেনেই ঘটা এক ঘটনা পোহৰলৈ আহিছে। মাৰ্ঘেৰিটা চাহ বাগিচাৰ এজন যুৱকে চাহ বাগিচাত কাম কৰি কষ্টোপাৰ্জিত ধনেৰে মাৰ্ঘেৰিটাৰ ব্লক তিনিআলিৰ সমিপত থকা “নৈচা " স্কুটী ডিলাৰৰ পৰা নিম্নতম ধন ৪৯০০০হাজাৰ টকা দি লৈছিল। যুৱকজনৰ হাতত ধন অহাত এসপ্তাহ পিচত ডিলাৰখনৰ মেনেজাৰৰ হাতত ৯০০০০ টকা পুনৰাই দি ফাইনেন্সৰ লেঠা সম্পূৰ্ণৰূপে শেষ কৰিবলৈ কয়। চাহ বাগিচাৰ হুজা যুৱক দেখি ফাইনেন্সৰ যুৱকে চল চাতুৰীৰে পুনৰ চাৰিটাকৈইন্সট’লমেন্ট সৰকায়। ইয়াৰ উপৰিও ২৫০০০ টকা নানান কৌশলেৰে সৰকায় ধৃত পৰাগ জ্যোতি ছেত্ৰী নামৰ এজেন্টজনে ৷আজি আদিবাসী ছাত্ৰ সন্থাৰ এক সজাতি দল আৰু মাৰ্ঘেৰিটা বস্তি লাইনৰ লোকসকলে ডিলাৰখনত উপস্থিত হয়। প্ৰায় শতাধিক লোকৰ উপস্থিতিত নৈচা স্কুটী ডিলাৰত উত্তপ্ত পৰিস্থিতিৰ সৃষ্টি হয়। আদিবাসী ছাত্ৰ সন্থাই পৰিস্থিতি বুজ লোৱাৰ পিচত ডিলাৰ আৰু ফাইনেন্স কোম্পানীৰ মাজত এক গভীৰ ষড়যন্ত্ৰৰে গ্ৰাহক মানিক দুৰে নামৰ যুৱকজনৰ পৰা ধন আত্মসাত কৰা অভিযোগ আছাৰ। আদিবাসী ছাত্ৰ সন্থাই ডিলাৰ কতৃপক্ষক তিনিদিনৰ সময় বান্ধি বিষয়টো নিষ্পতি কৰিবৰ দাবী জনায় । অন্যথা তিনিদিন পিচত আছাই নৈচা TVS ডিলাৰৰ প্ৰৱেশ দ্বাৰত প্ৰতিবাদী কাৰ্যসুচী গ্ৰহন কৰিব বুলি সকিয়নি প্ৰদান কৰে।