লিডুত সাংস্কৃতিক পৰিক্ৰমা বিভাগৰ উদ্যোগত ১৫ দিনীয়া গ্ৰীষ্মকালীন সত্ৰীয়া নৃত্য কৰ্মশালা। তিনিকুৰি শিশুৱে প্ৰশিক্ষণ ল'ব সত্ৰীয়া নৃত্যৰ ।V.O.-সত্ৰীয়া নৃত্য হৈছে ভাৰতৰ সংগীত নাটক একাডেমীৰপৰা শাস্ত্ৰীয় নৃত্য হিচাপে মৰ্যাদা প্ৰাপ্ত ৮টি নৃত্য শৈলীৰ অন্যতম। মহাপুৰুষ শ্ৰীমন্ত শংকৰদেৱ প্ৰতিষ্ঠিত সত্ৰসমূহৰ যোগেৰে প্ৰায় ১৫ শ শতিকাৰ পৰাই এই নৃত্যধাৰা অসমত প্ৰচলিত হয়।অসম চৰকাৰৰ সাংস্কৃতিক পৰিক্ৰমা বিভাগৰ উদ্যোগত তিনিচুকীয়া জিলা প্ৰশাসনৰ সহযোগত তথা লিডু কেন্দ্ৰীয় নামঘৰ পৰিচালনা সমিতি আৰু লিডু মহাবিদ্যালয় মহিলা কোষৰ সৌজন্যত লিডু কেন্দ্ৰীয় নামঘৰত ৭ জুলাইৰ পৰা আৰম্ভ হৈছে ১৫ দিনীয়া গ্ৰীষ্মকালীন সত্ৰীয়া নৃত্য কৰ্মশালা।কৰ্মশালাত তিনিশতাধিক ছাত্ৰ ছাত্ৰীয়ে অংশগ্ৰহণ কৰে।প্ৰশিক্ষক হিচাপে উপস্থিত থাকে বৰবায়ন ৰূপে খ্যাত ডিগবৈৰ তিলেশ্বৰ তামুলী দেৱ।নামঘৰ পৰিচালনা সমিতিৰ সম্পাদক ৰাণাজ্যোতি নেওগে আঁ‌ত ধৰা উদ্বোধনী অনুষ্ঠানত লিডু শাখা সাহিত্য সভাৰ সভাপতি ড° ৰঞ্জিত দত্ত, লিডু মহাবিদ্যালয়ৰ অধ্যক্ষ ড° কৃপা প্ৰসাদ উপাধ্যায়, মাৰ্ঘেৰিটা বিধান সভা সমষ্টিৰ বিধায়ক ভাস্কৰ শৰ্মাৰ প্ৰতিনিধি সুখদেৱ শৰ্মা, লিডু কেন্দ্ৰীয় নামঘৰৰ সভাপতি তৰুন গগৈ লোকনাথ কোঁৱৰে বিশিষ্ট অতিথি ৰূপে উপস্থিত থাকে । আদৰণী ভাষণ আগবঢ়াই লিডু মহাবিদ্যালয়ৰ মহিলা কোষৰ সম্পাদিকা উষা ৰাভাই ।