সন্দেহজনক নাগৰিকক বিতাড়নৰ দাবীৰে এজেৱাইচিপিৰ বিক্ষোভ কাৰ্যসূচী।মাৰ্ঘেৰিটা লিডুত উত্তাল প্ৰতিবাদ ৷ সন্দেহজনক বাংলাদেশী নাগৰিকক বিতাড়নৰ দাবীত আজি উত্তাল হৈ পৰিল মাৰ্ঘেৰিটাৰ লিডুৰ ৰাজপথ। মাৰ্ঘেৰিটা সম-জিলা বিভিন্ন প্ৰান্তত বসবাস কৰি থকা সন্দেহজনক বাংলাদেশী নাগৰিকক বিতাড়নৰ দাবীত আজি অসম জাতীয়তাবাদী যুৱ ছাত্ৰ পৰিষদৰ মাৰ্ঘেৰিটা আঞ্চলিক সমিতিয়ে লিডুত এক বিক্ষোভ কাৰ্যসূচী ৰূপায়ণ কৰে।সংগঠনটোৰ অভিযোগ মাৰ্ঘেৰিটাৰ লিডু মোলাং, টিৰাপকে ধৰি বিভিন্ন স্থানত চৰকাৰী ভূমি বেদখল কৰি একাংশ সন্দেহজনক বাংলাদেশী নাগৰিকে বসবাস কৰি আছে। মাৰ্ঘেৰিটাৰ পৰা অতি শীঘ্ৰে সন্দেহজনক বাংলাদেশী নাগৰিকসকলক চিনাক্ত কৰাৰ দাবী AJYCP ৰ ৷অসমৰ পৰা সন্দেহজনক লোকক বিতাড়নৰ দাবীত সংগঠনটোৱে এই বিক্ষোভ কাৰ্যসূচী ৰূপায়ণ কৰে।বিক্ষোভ কাৰ্যসূচীত অসম জাতীয়তাবাদী যুৱ ছাত্ৰ পৰিষদৰ শতাধিক কৰ্মীয়ে বিক্ষোভ কাৰ্যসুচীত অংশগ্ৰহণ কৰে। লিডুৰ ৰাজপথত টায়াৰ জ্বলাই বাংলাদেশী হুচিয়াৰ,এজেৱাইচিপিৰ লং লিভ, বাংলাদেশী গ'বেক আদি শ্লোগানেৰে উত্তাল কৰি তোলে লিডুৰ আকাশ বতাহ।