মাৰ্ঘেৰিটাত কংগ্ৰেছ দলৰ মোক্ষম আঘাট : ব্লক কংগ্ৰেছ কমিটিৰ সভাপতিসহ ৪ শীৰ্ষ নেতাৰ দলত্যাগ । বিধান সভা নিৰ্বাচনলৈ মাত্ৰ কেইমাহমান বাকী থকা অৱস্থাত ৮৩ নং মাৰ্ঘেৰিটা বিধান সভা সমষ্টিত কংগ্ৰেছ দলৰ মোক্ষম আঘাট। অতি দুৰ্যোগৰ সময়ত মাৰ্ঘেৰিটা ব্লক কংগ্ৰেছ কমিটিৰ সভাপতিৰ দ্বায়িত্ব লোৱা তৰা প্ৰসাদ দিহিঙ্গীয়াৰ পদবীৰ লগতে প্ৰাথমিক সদস্যৰ পৰা পদত্যাগ।সেইদৰে মাৰ্ঘেৰিটা ব্লক মহিলা কংগ্ৰেছ কমিটিৰ সম্পাদিকা সুমিত্ৰা চেতিয়া মেছ , মাৰ্ঘেৰিটা ব্লক কংগ্ৰেছ কমিটিৰ সম্পাদক জ্যোতিৰ্ময় নাথসামাজিক মাধ্যমৰ অধ্যক্ষ প্ৰাঞ্জল চেতিয়াৰো পদবীৰ লগতে প্ৰাথমিক সদস্যৰ পৰা পদত্যাগ।সম্পূৰ্ণ ব্যক্তিগত কাৰণত পদত্যাগ কৰা বুলি আটাইকেইজনে উল্লেখ কৰিছে যদিও একলগে এনে পদত্যাগে পদত্যাগৰ অন্য কাৰণ থকা বুলি সন্দেহ কৰা হৈছে ।নিৰ্বাচনলৈ কেইমাহমান বাকী থকা অৱস্থাত এই পদত্যাগে কংগ্ৰেছ দলৰ উত্থানত ব্যাপক ক্ষতি কৰিব বুলি আশংকা কৰা হৈছে । টাই আহোম জনগোষ্ঠীক প্ৰতিনিধিত্ব কৰা তৰা প্ৰসাদ দিহিঙ্গীয়াৰ পদত্যাগে জনগোষ্ঠীটোৰ মাজত কেনে প্ৰভাৱ প'ৰে সেইয়াও লক্ষ্যণীয় হ'ব ।ইতিমধ্যে পদত্যাগ গ্ৰহণ কৰি দলে জ্যেষ্ঠ নেতা তৌফিক খানক তৰা প্ৰসাদ দিহিঙ্গীয়াৰ ঠাইত ভাৰপ্ৰাপ্ত সভাপতি ৰূপে দ্বায়িত্ব অৰ্পণ কৰিছে ।মাৰ্ঘেৰিটা ব্লক কংগ্ৰেছ কমিটিৰ সদ্যপদত্যাগী সভাপতি তৰাপ্ৰসাদ দিহিঙ্গীয়াৰ নেতৃত্বৰ দক্ষতাত আকৰ্ষিত হৈ দলটোত যোগদান কৰা আৰু ১৫-১৬ জন যুৱকে কংগ্ৰেছ ত্যাগ কৰাৰ সম্ভাৱনা আছে বুলি জনা গৈছে।